Polis şöbəsində ifadəsi alınan şəxs intihar edib
Tarix: 09-02-2020 22:49 | Bölmə: Xəbərlər
Polis şöbəsində ifadəsi alınan şəxs intihar edib

Zərdab rayonunda intihar hadisəsi baş verib.

Reyting.az
-ın məlumatına görə, Zərdab rayonunun Məlikli kəndində yaşayan, 1990-cı ildə anadan olmuş Laçın Əmrah oğlu Manaflı özünü asaraq intihar edib.

Üç uşaq atası olan L. Manaflının Zərdab Rayon Polis Şöbəsində ifadəsi alındıqdan sonra intihar etdiyi bildirilir.

Yaxınları Reyting.az-ın əməkdaşına deyiblər ki, fevral ayının 3-də, saat 15:00 radələrində L. Manaflı qeyri-rəsmi olaraq Zərdab Rayon Polis Şöbəsinə çağırılıb və orada saat yarım saxlanılaraq ifadəsi alınıb. Polis şöbəsindən çıxdıqdan 1 saat sonra isə intihar edib.

Mərhumun valideyinləri övladlarının Zərdab RPŞ-da şantaj edilərək intihar həddinə çatdırıldığından şübhələnirlər.

Mərhumun Zərdab RPŞ-ya həmkəndlisi Xalis Hüseynzadə ilə getdiyi qeyd olunur. Onu Zərdab RPŞ-da Fərid adlı əməliyyatçının sorğu-sual etdiyi bildirilir.

Qeyd olunur ki, mərhum kənd əhalisi tərəfindən sevilən şəxs olub, öz şəxsi təsərrüfatında çalışıb, nə ailəsi, nə də səhhətində hər hansı problemi olmayıb. Buna görə də, onun intiharına səbəb kimi polisə çağırılması göstərilir.

L. Manaflının yaxınları müvafiq qurumların rəhbərlərindən hadisənin araşdırılmasını tələb edirlər.

Reyting.az Daxili İşlər Nazirliyinin və Zərdab RPŞ-nın məsələyə münasibətinə yer ayırmağa hazırdır.




Bölməyə aid digər xəbərlər
{sape_links}{sape_article}