18:05 / 21-04-2021
Rusiya ABŞ-a nota verib
Ordumuzun daha beş karvanı Qarabağa daxil olub
Tarix: 02-03-2021 08:34 | Bölmə: Xəbər lenti
Ordumuzun daha beş karvanı Qarabağa daxil olub

Rusiya sülhməramlı kontingenti Azərbaycan Silahlı Qüvvələrinin beş avtomobil karvanının Laçın dəhlizindən şimal istiqamətində, habelə Şuşa-Qırmızı Bazar-Qacar (Füzuli rayonu) marşrutu ilə təhlükəsiz keçməsini təmin ediblər.

Reyting.az
xəbər verir ki, bu barədə Rusiya Müdafiə Nazirliyinin Dağlıq Qarabağ münaqişəsi zonasında sülhməramlı kontingentin fəaliyyəti barədə məlumatında deyilir.

Bildirilir ki, Rusiya sülhməramlıları gecə-gündüz 27 müşahidə məntəqəsində vəziyyəti izləyir və atəşkəs rejiminə əməl olunmasına nəzarət edirlər. Atəşkəs bütün təmas xəttində müşahidə olunur.

Qeyd olunur ki, sülhməramlılar vətəndaşların daimi yaşayış yerlərinə təhlükəsiz qayıtmasını və mülki infrastrukturun bərpasını təmin edir, əhaliyə humanitar yardım göstərir:

“Humanitar Minalardan Təmizləmə Mərkəzinin minalardan təmizlənməsi qrupları Dağlıq Qarabağ ərazilərinin minalardan təmizlənməsi üzrə işlərini davam etdirirlər. Ümumilikdə, 23 noyabr 2020-ci ildən bəri 1535 hektar ərazi, 478 km yol, 30 sosial əhəmiyyətli obyekt də daxil olmaqla 1512 yaşayış binası partlamamış hərbi sursatlardan təmizlənib, 24 962 partlayıcı maddə aşkar edilərək zərərsizləşdirilib".

Nazirlik bildirir ki, sülhməramlı kontingent məsuliyyət zonasında baş verə biləcək hadisələrin qarşısını almaq, səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlayır.




Bölməyə aid digər xəbərlər
bütün xəbərlər
{sape_links}{sape_article}