11:29 / 07-12-2021
Azərbaycan nefti bahalaşır
Minskdə Nizami Gəncəvi ilə bağlı tədbir keçirilib - Fotolar
Tarix: 25-11-2021 14:12 | Bölmə: Mədəniyyət
Minskdə Nizami Gəncəvi ilə bağlı tədbir keçirilib

Minskdə, Belarusun Milli Kitabxanasında böyük Azərbaycan şairi, poeziya klassiki Nizami Gəncəvinin anadan olmasının 880 illik yubileyinə həsr edilmiş tədbir keçirilib.

Reyting.az
xəbər verir ki, Belarus Milli Kitabxanasının baş direktoru Oksana Knijnikova tədbiri giriş sözü ilə açaraq Belarus-Azərbaycan münasibətlərinin iki xalqın dostluğu, qarşılıqlı anlaşma və etimad ənənələri üzərində qurulduğunu bildirib, iki ölkənin kitabxanaları arasında əməkdaşlığın əhəmiyyətini vurğulayıb.

Daha sonra Azərbaycan Respublikasının Belarusdakı fövqəladə və səlahiyyətli səfiri Ülvi Baxşəliyev 2021-ci ilin Azərbaycanda "Nizami Gəncəvi İli" elan edildiyini diqqətə çatdırıb. O, XII əsrdə Azərbaycanın ən böyük mədəniyyət mərkəzlərindən biri olan Gəncə şəhərində yaşayıb yaratmış dünya ədəbiyyatının görkəmli nümayəndəsi N. Gəncəvinin 880 illik yubileyi çərçivəsində Azərbaycanda və xaricdə müxtəlif görüşlərin, konfransların və tədbirlərin keçirildiyini bildirib.

Səfir, həmçinin qeyd edib ki, yaxın zamanda Minskdə Belarus və Azərbaycanın dostluğunda simvolik əhəmiyyətə malik olacaq Nizami Gəncəvi abidəsinin ucaldılması da planlaşdırılır.

Tədbirdə çıxış edən Milli Məclisin deputatı, AMEA-nın Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynov görkəmli şairin həyat və yaradıcılığına dair maraqlı faktlardan bəhs edib.

R. Hüseynov qeyd edib ki, Sovet İttifaqında 1941-ci ildə Nizaminin 800 illiyinin geniş şəkildə qeyd edilməsi üçün hazırlıqlar görülsə də, Böyük Vətən Müharibəsinin başlaması genişmiqyaslı yubileyin keçirilməsinə mane oldu. Buna baxmayaraq, dahi şairin yubileyi Leninqradda, Ermitajda, şəhər blokadasının 42-ci günündə qeyd olundu. Bu, əlbəttə, Azərbaycan şairinə göstərilən ən böyük hörmətin ifadəsi idi.

“Nizami Azərbaycan şairidir, o, bütün həyatını doğma kəndində keçirsə də dünyamiqyaslı şair kimi tanınmağa nail oldu. Nizami savadsızlığın hökm sürdüyü XII əsrdə yaradırdı, bununla belə o, farsdilli ədəbiyyatın və poeziyanın inkişafına böyük təkan verdi”, - deyə R. Huseynov vurğulayıb. Əlavə edib ki, doqquz yüzillik sonra belə Nizami yaradıcılığı əvvəlki kimi öz aktuallığını qoruyub saxlayıb.

Qeyd edək ki, tədbirdə Azərbaycan rejissoru Eldar Quliyevin "Nizami" (1982) filmi nümayiş olunub, dahi şairin əsərlərinin təqdim olunduğu sərgi keçirilib.





Bölməyə aid digər xəbərlər
bütün xəbərlər
{sape_links}{sape_article}