15:17 / 28-05-2024
KTN-də yeni təyinat olub
Ərdoğan: “Putin müharibənin tezliklə bitməsinə tərəfdardır”
Tarix: 19-09-2023 12:09 | Bölmə: Siyasət
Ərdoğan: “Putin müharibənin tezliklə bitməsinə tərəfdardır”

“Rusiya lideri Vladimir Putin Ukrayna ilə müharibəyə tez bir zamanda son qoymağın tərəfdarıdır, lakin bu müharibə uzun müddət davam edə bilər”.

Reyting.az
xəbər verir ki, bu fikirləri Türkiyə prezidenti Rəcəb Tayyib Ərdoğan ABŞ-da PBS telekanalına müsahibəsində deyib.

O, əmindir ki, Rusiyanın Ukraynaya qarşı müharibəsinin nə vaxt bitəcəyini yalnız hər iki tərəfin liderləri deyə bilər. Ərdoğan isə müharibənin uzun müddət davam edəcəyini ehtimal edir.

“Biz həqiqətən ümid etmək istərdik ki, müharibə mümkün qədər tez bitəcək. Putin də əslində, bu müharibənin tez bir zamanda dayandırılmasını müdafiə edir”, - deyə Ərdoğan əlvə edib.

Onun sözlərinə görə, Rusiyaya Qərb kimi etibar etmək olar.

Ərdoğan eyni zamanda Qərbin Türkiyənin Avropa Birliyinə üzv olmaq üçün uzun illərdir davam edən ümidlərini xatırladıb:

“Rusiyaya güvənməmək üçün heç bir səbəbim yoxdur. Rusiya Qərb qədər etibarlıdır. Biz son yarım əsrdir ki, Avropa İttifaqının astanasında gözləyirik”.

Ərdoğan həmçinin jurnalistin Rusiya Federasiyasının taxıl sazişindən çıxması və Ukraynaya təcavüzü səbəbindən Putinə etibar edilməməsi ilə bağlı dedikləri sözlərlə razılaşmayıb: “Türkiyənin təbii qaz tədarükünün yarısı Rusiyadan gəlir. Bu, bizim həmrəyliyimiz deməkdir. Biz birlikdə irəliləyirik və müdafiə sənayesi sahəsində də əməkdaşlıq edirik”.

Türkiyə lideri əlavə edib ki, onun siyasəti mümkün olduğu qədər dünya ölkələri ilə qazan-qazan ssenarisi əsasında əlaqələr qurmaqdır.

Ərdoğan ABŞ-la olduğu kimi Rusiya ilə də eyni “yaxşı münasibətlərə” sahib olacağını açıqlayıb.

E. KAMAL




Bölməyə aid digər xəbərlər
{sape_links}{sape_article}