14:50 / 28-02-2024
Lavrov Türkiyəyə gedir
Macarıstan Kiyevə silah tədarükündə iştirak etməyəcək
Tarix: 10-02-2024 18:02 | Bölmə: Siyasət
Macarıstan Kiyevə silah tədarükündə iştirak etməyəcək

Macarıstanın xarici işlər naziri Peter Siyarto Rusiya mətbuatına müsahibəsində Budapeştin Avropa İttifaqının Ukraynaya 50 milyard avro məbləğində yardımının qarşısını almaq qərarını izah edib.

Reyting.az
xəbər verir ki, Macarıstanın yardımın qarşısını açmaq üçün üç əsas şərti var:

Birincisi, pul Ukraynaya hərbi silahların çatdırılmasına sərf edilməməlidir.

“Macarıstan heç vaxt Ukraynaya silah tədarükünə yönəlmiş hər hansı aksiyanı qəbul etməyib və iştirak etməyəcək. Sadəcə, ona görə ki, biz inanırıq ki, Ukraynaya nə qədər çox silah verilsə, müharibə bir o qədər uzun sürəcək və müharibə nə qədər uzun olsa, daha çox dağıntı və daha çox insan öləcək”, -Macarıstanın xarici işlər naziri bildirib.

Onun sözlərinə görə, digər tələb Macarıstanın dondurulmuş vəsaitlərinin Ukraynaya köçürülməməsidir: “Biz açıq şəkildə bildirdik ki, Avropa qaydalarına görə dondurulmuş və Macarıstana göndərilməli olan vəsaitlər Ukrayna ötürülməməlidir. Əslində, bu, bizim üçün seçim deyil. Və biz zəmanət almışıq ki, aktivlər və ya Macarıstan üçün dondurulmuş vəsaitlər indi qismən blokdan çıxarılıb və Ukraynaya göndərilməyəcək. Bizim buna təminatlarımız var”.

Macarıstanın son tələbi ayrılan yardıma nəzarətin yaradılması olub. Siyarto bildirib ki, Budapeşt Kiyevə xərclənən yardıma nəzarət mexanizminin yaradılmasını tələb edib.

ELÇİN




Bölməyə aid digər xəbərlər
{sape_links}{sape_article}