Politoloq: “Rusiya geopolitik oyun oynamağa çalışır”
Tarix: 13-02-2020 23:36 | Bölmə: Siyasət
Politoloq: “Rusiya geopolitik oyun oynamağa çalışır”

“ABŞ Liviyada baş verən proseslərə daxil olmayıb. Liviyada daha çox Fransa, İtaliya və Türkiyə var. Rusiya isə ənənəvi olaraq Liviyada geopolitik oyun oynamağa çalışır”.

Bu fikirləri Reyting.az-a sabiq dövlət müşaviri, politoloq Rasim Musabəyov deyib.

Musabəyovun fikrincə, əslində dünya istəyir ki, Liviyada sakitlik, stabillik olsun: “Ancaq Liviya sünni dövlət idi. Zamanında Osmanlı imperiyasının 3 vilayətini birləşdirib süni dövlət yaratmışdılar. Diktator Qəddafi devriləndən sonra faktiki olaraq bu ölkə parçalanıb. İndi parçalanma nəticəsində onları bir araya gətirmək mümkün olmayıb. Ələlxüsus da tərəflər öz oyununu oynayır”.

Politoloq əlavə edib ki, Liviyada qiyamçı general Xəlifə Haftarın arxasında Misir dövləti dayanır: “Digər ərəb ölkələrindən də Haftara dəstək var. Yəni ona pul verirlər. Rusiya da oyuna qoşulub və başağrısı yaratmağa çalışır. Yəni sonda Rusiyaya “elçi” düşsünlər, onun razılığını alsınlar və beləcə, Rusiyanın nəhəng dövlət olduğunu qəbul etsinlər.

Bu biri tərəfdə isə Əlcəzair, Tunis, Türkiyə və İtaliya durur.

Tripolidə yerləşən və Türkiyə tərəfindən dəstəklənən hökumət BMT tərəfindən tanınır. Yəni legitim hakimiyyətdir. Baxmayaraq ki, Bəşər Əsədi Suriyada dəstəkləyən yoxdur, amma Rusiya deyir ki, mən dəstəkləyirəm və Əsəd qanuni hakimiyyətdir. Baxın, Suriya hara, Liviya hara? Burada da normal oyunçular legitim hakimiyyətə dəstək verməlidir”.

Müsahibimiz sonda qeyd edib ki, ABŞ Liviyada baş verənlərə müdaxilə etmir:

“Vaşinqtonda düşünürlər ki, Liviya Avropaya aid məsələdir və zəhmət çəkib bununla məşğul olsunlar.

Liviya əvvəllər Türkiyənin, sonra İtaliyanın olub. Fransanın Aralıq dənizində maraqları var. Normalda oturub müzakirə apara və qərar verib, Liviyadakı vəziyyəti nəzarət altına ala bilərlər. ABŞ hər yerə gedəndə hamı da ABŞ-ı söyür. Odur ki, Vaşinqton bu prosesdə məsafə saxlayır. Amma doğurdan da Liviyadakı qiyamçılar ABŞ-a məxsus kəşfiyyat dronunu vurublarsa, bunun bədəli ağır olacaq. Unutmayaq ki, Aralıq dənizində ABŞ-ın donanması var və bu donanma hər zaman Liviyaya müdaxilə edə bilər. Amma hazırda müdaxilə etmədən də vəziyyəti nəzarətdə saxlayırlar”.скачать dle 10.5фильмы бесплатно




Bölməyə aid digər xəbərlər
{sape_links}{sape_article}