17:38 / 28-03-2024
Əməkdar artist vəfat edib
Paşinyan “Qarabağ klanı”nı hədələyir: Baş nazir rəqiblərindən qisas almağa hazırlaşır
Tarix: 12-03-2020 13:16 | Bölmə: Siyasət
Paşinyan “Qarabağ klanı”nı hədələyir: Baş nazir rəqiblərindən qisas almağa hazırlaşır

“Ermənistanın keçmiş prezidentləri Serj Sarkisyan və Robert Köçəryan böyük vəsait toplayıblar və tərəfdarları çoxdur. Ələlxüsus da hər cür vasitədən, hətta terrordan istifadə etməyə hazır olan şəxslərdir. Onlar öz siyasi keçmişləri zamanı sübut ediblər ki, bundan çəkinən deyillər. Məsələn, Ermənistan parlamenti güllələnib, bir çox rəqiblər öldürülüb. 2008-ci ilin mart ayında Qarabağdan gətirilən xüsusi təyinatlıların vasitəsilə Serj Sarkisyanın prezident elan olunmasına qarşı çıxan əhali gülləbaran edilib. Ermənistanın indiki Baş naziri Nikol Paşinyan da bu hadisə zamanı zərərçəkən olub, hətta onu 3-4 il həbs ediblər”.

Bu sözləri Reyting.az-a Milli Məclisin deputatı, sabiq dövlət müşaviri Rasim Musabəyov Ermənistanda Konstitusiya referndumunun keçirilməsi və Paşinyanın özündən əvvəlki ölkə rəhbərlərini ittiham etməsinin səbəblərindən danışarkən deyib.

Politoloqun sözlərinə görə, Baş nazir əmindir ki, erməni xalqının Paşinyana və onun hökumətinə verdiyi dəstək zəiflədiyi təqdirdə çox ciddi problemlərlə üzləşəcək. Bu səbəbdən də fürsətdən istifadə edərək həmin şəxsləri və onlara bağlı qüvvələri mümkün qədər zərərsizləşdirməyə çalışır.

Paşinyan “Qarabağ klanı”nı hədələyir: Baş nazir rəqiblərindən qisas almağa hazırlaşır
R. Musabəyov

R. Musabəyovun fikrincə, nəzərə alınsa ki, Ermənistanda bütövlükdə məhkəmə hakimləri, prokurorlar, Konstitusiya Məhkəməsinin üzvləri Köçəryan-Sarkisyan dövründə təyin olunublar, deməli, Paşinyan anlayır ki, hakimiyyətin bu qolu ona daima maneələr yaradacaq: “Bu səbəbdən də Baş nazir sabiq prezident Köçəryan barəsində məhkəmələrdə yekun həbs qərarın qəbuluna nail ola bilmir. Eləcə də Serj Sarkisyan barəsində. Ona görə də, Paşinyan referendum keçirərək Konstitusiya Məhkəməsinin tərkibini dəyişmək və məhkəmə hakimiyyətini özünə tabe etdirmək istəyir. Amma bu, asan məsələ deyil. Bunu etmək üçün referendumda seçicilərin azı 50 faizi iştirak etməlidir. Bunu təmin etmək olduqca çətindir”.

R. Musabəyov düşünür ki, referendumu saxtalaşdırmadan lazım olan sayda insanın iştirakını təmin etmək mümkün olmayacaq. Əgər belə olsa, vəziyyət Paşinyan üçün bir sıra problemlər yaradacaq.

Paşinyan “Qarabağ klanı”nı hədələyir: Baş nazir rəqiblərindən qisas almağa hazırlaşır

Xatırladaq ki, Ermənistanın Baş naziri Nikol Paşinyan Konstitusiya Məhkəməsinin səlahiyyətlərinə vaxtından əvvəl xitam verilməsi üçün elan edilmiş referendumun təbliğat kampaniyasına Gorusdan başlayıb. “Azadlıq” radiosunun erməni xidməti bildirir ki, Paşinyan Gorusda keçmiş hakimiyyətin ünvanına ciddi ittiham səsləndirib, eks-prezident Serj Sarkisyanın orduya 42 milyon dollarlıq yararsız silah-sursat aldığını açıqlayıb. Paşinyan deyib ki, bu faktla bağlı cinayət işi qaldırılıb və Sarkisyan buna cavab verməlidir.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}