23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Deputat: “COVİD pasportu ilə bağlı ekspertlərin rəyi alınır”
Tarix: 12-06-2021 11:49 | Bölmə: Siyasət
Deputat: “COVİD pasportu ilə bağlı ekspertlərin rəyi alınır”

“Müraciətlərin çoxluğunu nəzərə alaraq dünən Milli Məclisdə qaldırdığım məsələ COVID-19 xəstəliyini gizli keçirən vətəndaşlarla bağlı idi. Həmin şəxslərdə təbii immunitet yaranır. Onlar vaksin vurdurmaq istəyəndə məlum olur ki, onlarda antitel var və vaksin vurdura bilmirlər”.

Bunu Reyting.az-a Milli Məclisin üzvü Naqif Həmzəyev deyib. O bildirib ki, paralel olaraq həmin şəxslər qeydiyyatdan keçmədikləri üçün “İmmunitet sertifikatı” ala bilmirlər:

“Nəticə etibarilə bu vətəndaşların problemləri yaranır və onlar nə “Vaksinasiya sertifikatı”, nə də “İmmuntitet sertifikatı” ala bilirlər. Bu məsələ ilə bağlı müəyyən boşluqlar olduğunu nəzərə çatdırdım və xahiş etdim ki, aidiyyəti komitə, həm də Operativ Qərargah və TƏBİB bu barədə məlumatlandırılsın, vətəndaşların haqlı narazılığı ilə bağlı çıxış yolu ortaya qoyulsun. Ən pis halda həmin vətəndaşlara icazə verilsin ki, onlar da vaksin vurdursunlar. Çünki əks təqdirdə onlar bu sertifikatı əldə bilmirlər”.

Deputat qeyd edib ki, bu məsələlərlə bağlı TƏBİB və Operativ Qərargahda ekspertlər işləyirlər:

“Bunlar müzakirə obyektidir. Məndə olan məlumata görə, bununla bağlı ekspertlərin rəyi alınır və qısa müddətdə növbəti brifinqdə məsələyə aydınlıq gətiriləcək. Çünki açıq qalan bir çox məsələlər var, biri də budur.

Artıq karantin rejiminin yumşaldılmasına gedilir və yumşalmalar zamanı da ən azı ilin sonuna, pandemiya bitənə qədər COVID pasportundan istifadə oluna bilər. Bu baxımdan açıq məsələlərin həlli ilə bağlı ekspert rəyləri alınır və qısa müddətdə ictimaiyyətə açıq və ətraflı məlumat veriləcək”.

N. Həmzəyev düşünür ki, qaldırdığı problem qısa müddətdə öz həllini tapacaq. Çünki o insanların da ya “İmmunitet sertifikatı”, ya da “Vaksinasiya sertifikatı” əldə etməyə haqqı çatır.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}