NATO üzvləri iki dövlətlə gərgin münasibətləri müzakirə edəcək
Tarix: 14-06-2021 12:27 | Bölmə: Siyasət
NATO üzvləri iki dövlətlə gərgin münasibətləri müzakirə edəcək

Bu gün Belçikanın paytaxtı Brüsseldə NATO hərbi alyansının üzvü olan 30 dövlətin lideri və hökumət başçısı bir araya gəlir.

Reyting.az
xəbər verir ki, NATO-nun zirvə toplantısında müttəfiq ölkələr hərbi alyansın gələcək 10 ili üçün yol xəritəsi haqqında qərar verəcək. Eyni zamanda NATO-nun strateji konsepsiyası, Rusiya və Çin, iqlim dəyişikliyinin təhlükəsizliyə təsiri, kiber təhdidlər və dağıdıcı texnologiyalar, habelə Əfqanıstandakı NATO missiyasının dayandırılması əsas müzakirə mövzusu olacaq.

2019-cu ilin 3-4 dekabr tarixlərində İngiltərədə keçirilən sonuncu NATO zirvə toplantısından bu yana dünya çox dəyişib. Artıq Rusiya da 2019-cu illə müqayisədə daha çox aqressiv hərbi davranışlarını nümayiş etdirir. Çin isə açıq elan edir ki, maraqlarını heç kimə güzəştə getməyəcək. Bu gün başlayacaq NATO zirvə toplantısı belə bir atmosferdə keçirilir və dünyanın 30 dövlət başçısı hərbi müşavirləri ilə Brüsseldə bu təhlükələri müzakirə edəcəklər.

Bir azdan başlayacaq zirvə toplantısı öncəsi liderləri NATO qərargahına aparacaq yollar qapadılıb. NATO-nun mənzil qərargahı ətrafında təhlükəsizlik tədbirləri artırılıb. Brüsseldə bir sıra mühüm tədbirlər təxirə salınıb.

COVİD-19 təhlükəsinə qarşı zirvədə iştirak edəcək nümayəndə heyətlərindn PRC testləri istənilib. NATO qərargahının əməkdaşları isə bir həftə əvvəldən peyvənd olunub. Bu prosesi Polşa həyata keçirib. Polşadan gələn tibbi heyət NATO qərargahında işləyən 3500 mütəxəssisi peyvənd edib.



Bundan başqa, toplantı öncəsi NATO qərargahına gələcək heyətlər qarşısında FFP2 model qoruyucu maska taxmaqları tələb edilib.

Əlavə edək ki, NATO zirvə toplantısını işıqlandırmaq üçün 600 jurnalistə icazə verilib.

Zirvə görüşü başlamazdan öncə NATO-nun Baş katibi Yenis Stoltenberq açıqlama verib.

Baş katib bəyan edib ki, Çinlə yeni bir “Soyuq müharibə” yoxdur: “Çinin bizim dəyərlərimizi paylaşmadığını bilirik. İttifaq olaraq vahid mövqe bildirməliyik. Çin düşmən deyil”.

Baş katib Rusiya haqqında danışarkən bildirib ki, ABŞ və Rusiya arasında münasibətlər “Soyuq müharibə” dövründən bu yana ən pis durumdadır.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}