12:10 / 25-06-2022
Sabah yağışlı hava olacaq
Özbəkistan səfərinin nəticələri Türk dövlətlərinin daha da yaxınlaşmasına impuls verəcək
Tarix: 23-06-2022 12:44 | Bölmə: Siyasət
Özbəkistan səfərinin nəticələri Türk dövlətlərinin daha da yaxınlaşmasına impuls verəcək

“Xəzər, Mərkəzi Asiya, Cənubi Qafqaz regionlarında sülh və sabitlik böyük ölçüdə türk dövlətlərinin birgə səyindən asılıdır”.

Bunu Reyting.az-a Təkamül Partiyasının sədri Teyyub Qənioğlu deyib.

Onun sözlərinə görə, Vətən müharibəsində Azərbaycanın qələbəsi, torpaqlarımızın işğalından azad edilməsi təkcə Azərbaycan və bu qələbədə əvəzis rol oynayan Türkiyə üçün deyil, bütün türk dövlətləri üçün misilsiz tarixi əhəmiyyətə malikdir.

T. Qənioğlu bildirib ki, 44 günlük müharibədə Azərbaycanın qələbəsi bütün Türk dövlətləri tərəfindən böyük coşqu ilə qarşılanıb: “Azərbaycan prezidenti İlham Əliyevin iyunun 21-də Özbəkistana səfəri, Azərbaycanla qardaş Özbəkistan arasında imzalanmış sənədlər, xüsusilə də Strateji tərəfdaşlığın dərinləşdirilməsi və qarşılıqlı fəaliyyətin genişləndirilməsi haqqında siyasi Bəyannamə də bunun bariz nümunəsidir. İnanırıq ki, Daşkənddə imzalanmış sənədlər nəinki iki qardaş dövlətin münasibətlərinin daha da dərinləşməsinə və möhkəmlənməsinə zəmin yaradacaq, eyni zamanda digər türk dövlətləri üçün də nümunə olacaqdır”.

Partiya sədri əlavə edib ki, Azərbaycanın Vətən müharibəsində qələbəsi Cənubi Qafqaz regionunda yeni münasibətlərin formalaşması, sülhün bərqərar olmasına münasib şərait yaratsa da, türk düşmənləri yeni şəraiti qəbul etmək istəmirlər. “Ona görə də bu gün nəinki Cənubi Qafqaz regionunda, eləcə də, onunla birbaşa əlaqəsi olan Xəzər, Mərkəzi Asiya regionlarında sülhə və sabitliyə ciddi ehtiyac var. Bu regionlarda sülhə, sabitliyə nail olunması böyük ölçüdə Türk dövlətlərinin birgə səyindən asılıdır. İnanırıq ki, Azərbaycan prezidenti İlham Əliyevin qardaş Özbəkistana səfərinin nəticələri bu iki qardaş ölkə ilə yanaşı, digər Türk dövlətlərinin daha da yaxınlaşmasına impuls verəcəkdir”.




Bölməyə aid digər xəbərlər
22-06-2022, 19:33 General həbs edilib

{sape_links}{sape_article}