14:50 / 28-02-2024
Lavrov Türkiyəyə gedir
Ölkəmizdə qızılca təhlükəsi artır - (Yenilənib) - Xəbərdarlıq
Tarix: 30-11-2023 17:40 | Bölmə: Slayd
Ölkəmizdə qızılca təhlükəsi artır - (Yenilənib)

Qızılca xəstəliyinə qarşı ən effektiv mübarizə üsulu peyvəndlənmədir.

Reyting.az
-ın xəbərinə görə, TƏBİB-in yaydığı məlumatda bildirilir ki, milli peyvənd təqviminə əsasən, qızılcaya qarşı immunizasiya 1 və 6 yaşlarında olmaqla 2 doza şəklində kombinə olunan QPM (qızılca, parotit, məxmərək) peyvəndi ilə aparılır.

Qeyd olunur ki, qızılca yüksək kontagiozluğa malik kəskin xəstəlikdir, yaxın təmasda olan əhalinin 90 faizini yoluxdura bilər. İnsanların təxminən 93 faizi bir dozadan sonra, 97 faizi isə ikinci dozadan sonra immun hesab olunur.

TƏBİB-in Yoluxucu xəstəliklər və infeksion nəzarətin təşkili şöbəsinin müdiri Nəzrin Mustafayeva bildirib ki, peyvənd qızılca ilə əlaqəli ağırlaşmaların və ölümün qarşısını alır:

“Peyvəndlənməmiş şəxslərdə qızılca xəstəliyi ağırlaşmalara və hətta qalıcı fəsadlara səbəb ola bilər. Peyvəndlər təhlükəsizdir və bir çox effektiv müalicəsi olmayan xəstəliklərin profilaktikası peyvəndlərlə mümkündür”.

Şöbə müdiri deyib ki, əgər qızılca peyvəndi olmayan hamilə qadınlar xəstəliyə yoluxarsa, bu, vaxtından əvvəl doğuşa və ya az çəkili körpənin doğulmasına səbəb ola bilər:

“Qızılcadan qorunmanın ən effektiv və yeganə yolu peyvənd olunmaqdır. Qızılca sadəcə, səpkidən ibarət bəsit infeksion xəstəlik deyil. Qızılca xəstəliyi olan uşaq və böyüklər üçün antibiotiklərin profilaktik istifadəsi tövsiyə edilmir. Qızılca xəstələrində empirik antibiotik müalicəsi yalnız ağırlaşmış xəstələrdə ikincili bakterial infeksiya şübhəsi olduqda təyin olunmalıdır”.

N. Mustafayeva əlavə edib ki, epidemioloji alovlanma dövründə xəstəxanaya müraciət edən bütün uşaqların immunizasiya statusu və Vitamin A təyinatı dəyərləndirilməli, qızılca əleyhinə peyvənddən geri qalan bütün uşaqlar peyvəndləməyə cəlb olunmalı, müvafiq vitamin A təyinatı verilməlidir.

***

Azərbaycanda qızılcaya yoluxma ilə bağlı son durum açıqlanıb.

Reyting.az
xəbər verir ki, bu barədə TƏBİB-in mətbuat xidmətindən məlumat verilib.

Bildirilib ki, bir xəstəliyin yayılması zamanı onun pandemiya və ya epidemiya halına çevrilməsini epidimoloqlar müəyyən edirlər:

"Qızılcanın peyvəndlə qarşısı alına bilinən bir xəstəlik olduğunu, 20-ci əsrin 60-cı illərindən başlayaraq sözügedən xəstəliyə qarşı bütün yenidoğulmuşlara peyvənd vurulduğunu, hazırda peyvənd vurulmuş çoxsaylı insan olduğunu və xəstəliyin əsasən ölkə ərazisində yayıldığını nəzərə aldığımız təqdirdə hərhansı bir pandemiyaya çeverilmə halından bəhs edilə bilməz".

Məlumata görə, ölkə ərazisində tək-tək qızılcaya yoluxma halları qeydə alınır:

"Qızılca xəstəliyi əsasən peyvəndlənməmiş insanlarda ağırlaşmalarla müşahidə oluna bilər. Bununla yanaşı, hər hansı bir səbəbdən immun çatışmazlığı olan uşaqlarda (xüsusən, 5 yaşa qədər) xəstəliyin ağırlaşmaları qeyd olunur".

TƏBİB-in məlumatına görə, hazırda bütün səhiyyə qurumları xəstəliyin yayılmasının profilaktikası, erkən aşkarlanması, xəstələrin müşahidəsi, zəruri hallarda stasionar müalicə ilə təmin olunması istiqamətində sıx əməkdaşlıq edirlər.




Bölməyə aid digər xəbərlər
{sape_links}{sape_article}