00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
Azərbaycan ABŞ-ın vasitəçiliyini rədd etməlidir
Tarix: 05-12-2023 18:01 | Bölmə: Slayd
Azərbaycan ABŞ-ın vasitəçiliyini rədd etməlidir

Son zamanlar ABŞ Azərbaycana qarşı qərəzli mövqe tutub, ölkəmizlə və onun rəhbərliyi ilə bağlı əsassız ittihamlar irəli sürürlər. Amerika rəsmiləri Azərbaycan mövqeləri baxımından qəbuledilməz bəyanatlar verib, eləcə də Konqres və Senatda Azərbaycanla əlaqəli hansısa əsası olmayan qərarlar qəbul edilib.

Azərbaycanın keçmiş xarici işlər naziri Tofiq Zülfüqarov Reyting.az-a açıqlamasında Amerika-Azərbaycan münasibətlərində yaranmış gərginliyin səbəbindən danışarkən xatırladıb ki, ABŞ 1990-cı illərdə Qarabağ münaqişəsi ilə bağlı haqlı mövqedə olan Azərbaycana qarşı sanksiya qəbul edib, daha sonra isə münaqişənin həlli üçün vasitəçilərdən biri olub. İndi də vasitəçilik etmək niyyətindədir, amma belə siyasət aparmaqla vasitəçilik etmək mümkün deyil və Azərbaycan ABŞ-ın vasitəçiliyindən imtina etməlidir.

ABŞ Azərbaycanla Ermənistan arasında vasitəçi ola bilməz

T. Zülfüqarov deyib ki, şəxsən onun üçün ABŞ-ın son addım və siyasi davranışlarının məna və məqsədi aydındır: “Hazırda Ermənistan və Rusiya münasibətlərində gərginlik hökm sürür. Eyni zamanda sirr deyil ki, regionumuzda Rusiya və ABŞ arasında rəqabət gedir. Əslində ABŞ anti-Azərbaycan bəyanatları verməklə həm də ermənilərə göstərmək istəyir ki, Rusiyanın yerini o tuta və Ermənistanı müdafiə edə bilər. Belə yolla Rusiyanı Cənubi Qafqazdan çıxarmaq istəyirlər. Azərbaycan isə haqlı olaraq onun əleyhinə səslənən bəyanatları və siyasi davranışları qəbul etmir və edə də bilməz”.


Tofiq Zülfüqarov

Sabiq nazirin sözlərinə görə, ABŞ 1992-ci ildə Azərbaycana qarşı sanksiya tətbiq etsə də, hazırda bu sanksiya tam olaraq ləğv edilməyib: “ABŞ həm Azərbaycana sanksiya tətbiq edə, həm də Azərbaycanla Ermənistan arasında vasitəçi ola bilməz. Məhz bu səbəbdən də Azərbaycan ABŞ-ın keçirmək istədiyi tədbirlərdə iştirak etmir və Ermənistana təklif edir ki, sərhəddə iki ölkə arasında görüş keçirilə, müzakirələr aparıla bilər”.

ABŞ süni şəkildə gərginlik yaradır

T. Zülfüqarov ABŞ-ın son davranışlarını onun taktiki addımları kimi qiymətləndirir və şimaldan Rusiya, cənubdan isə İranla sərhəddə yerləşən Azərbaycanın üzərinə gəlməyi Vaşinqtonun strateji maraqlarına uyğun saymır: “Azərbaycan kimi ikinci bir ölkə yoxdur ki, ABŞ-ın rəqabət apardığı iki ölkə ilə sərhədi olsun. Aydındır ki, ABŞ İranla rəqabət aparır. Onun strateji maraqları tələb etmir ki, Azərbaycanla körpüləri yandırsın, münasibətləri pozsun. Mənim fikrimcə, indiki gərginlik ABŞ tərəfindən süni şəkildə yaradılıb, müvəqqəti xarakter daşıyır və bir müddətdən sonra onlar dayanmalı olacaqlar”.

T. Zülfüqarovun fikrincə, ABŞ Konqresi və Senatında lobbiçilik fəaliyyəti çoxdan açıq fəaliyyətdədir, pulunu verib təbliğatını qurursan: “Amma Azərbaycanın buna ehtiyacı yoxdur, biz problemlərimizi həll etmişik. Əgər Ermənistanın buna ehtiyacı varsa, gedib Konqresdə pul xərcləsin. Bir şeyi bilmək lazımdır ki, indi Azərbaycanla bağlı kampaniya aparılan ABŞ gec-tez Azərbaycana üz tutmalı olacaq”.

İlham Əliyevin müstəqil siyasəti ABŞ-da qıcıq doğurur

Professor Cümşüd Nuriyev ABŞ başda olmaqla Qərb ölkələrində Azərbaycana qarşı təzyiq xarakteri ilə başlayan fəaliyyətin səbəblərini şərh edərkən Reyting.az-a deyib ki, Azərbaycan prezidentinin milli maraqları önə çəkməsi ABŞ-da və daha bir neçə ölkədə xoş qarşılanmır.

Onun sözlərinə görə, son zamanlar ABŞ-ın məşhur kütləvi informasiya vasitələrində, eləcə də ayrı-ayrı şəxslərin dilindən Azərbaycana qarşı qarayaxma kampaniyası tədsadüfi deyil və xüsusi məqsədlə edilir: “Açıq deməliyik, Azərbaycan prezidenti İlham Əliyevin apardığı müstəqil və milli maraqlara xidmət edən siyasət ABŞ-da qıcıq doğurur və etiraza səbəb olur. Düşünürdülər ki, Əliyev onların dedikləri ilə oturub-duracaq. Əliyev isə ABŞ da daxil olmaqla, Ermənistana dəstək verən bütün qüvvələrin istəyinin əksinə olaraq Azərbaycan dövlətinin ərazi bütövlüyünü və süverenliyi bütün ölkə boyu bərpa etdi. Bu isə ABŞ-da və daha bir neçə ölkədə xoş qarşılanmır”.


Cümşüd Nuriyev

C. Nuriyev xatırladıb ki, ABŞ 30 il ermənipərəst mövqedən çıxış edib, xüsusilə, sentyabrda Azərbaycanın keçirdiyi antiterror əməliyyatından sonra Vaşinqtonda “küləklər tərsinə əsməyə başlayıb”.

Cənubi Qafqazda yeni müharibəyə başlamaq istəyiblər

Professor bildirib ki, əvvəllər Azərbaycan və ABŞ arasında normal münasibətlər olub. İndiki gərginliyin səbəbkarı isə Azərbaycan deyil:

“Əksinə, Azərbaycan münasibətləri qoruyub saxlamaq xəttini tutub. Amma hərbçilər demokratları hakimiyyətə gətirdi və bundan sonra Ukrayna müharibəsi başladı. Demokratlar hakimiyyətə gələndə müharibələr başlayır. Daha sonra Bayden hökuməti Cənubi Qafqazda Rusiyaya qarşı ikinci cəbhə açmaq istədi. Amma onun bu istəyi alınmadı. İndi də Ukraynada pis duruma düşüblər, uduzurlar. İndi ABŞ-da siyasət pariqmasını müəyyən edən Kissincer, Olbrayt, Bzejinski kimi böyük fiqurlar, siyasət ustaları yoxdur. Ona görə də, ABŞ Baydenin ümidinə qalıb.

İkincisi, Rusiya son üç ildə Qarabağ məsələsində Azərbaycanın haqq işinə mane olmayıb. Biz nədən ABŞ-ın maraqları naminə Rusiya ilə düşmən olmalıyıq? Rusiyanın siyasəti, münasdibəti aydındır, bunu hamımız bilirik. Amma ABŞ-ın maraqları naminə Azərbaycandan poliqon kimi istifadə edilə bilməz. Prezident Əliyev buna imkan vermir, milli və müstəqil siyasət aparır. ABŞ-ı narazı salan məqamlardan biri də budur. Onlar Əliyevdən belə siyasət və addımlar gözləmirdilər. Amma son 3 ildə Əliyev regiondakı ümumi vəziyyəti dəyişib, yeni siyasi şərait yaradıb.

Üçüncüsü, Azərbaycan-Türkiyə cütlüyünün milli və müstəqil siyasət həyata keçirməsi, daha çox öz maraqlarını öndə tutması məsələsi var. Bu da ABŞ-ın xoşuna gəlmir. Çünki Türkiyənin milli maraqlarını nəzərdə tutan siyasət aparması Yaxın və Orta Şərqdə ABŞ maraqları ilə ziddiyyət təşkil edir, Azərbaycan isə həm regionda, həm də Orta Asiyada mühüm oyunçulardan birinə çevrilir. Onlar özlərinə onu bağışlaya bilmirlər ki, necə oldu, Əliyev onlarla hesablaşmayıb, ölkəsinin ərazi bütövlüyünü təmin etdi? Onları narazı salan həm də bu məsələdir”.

ABŞ söz və mətbuat azadlığından sui-istifadə edir

C. Nuriyev əlavə edib ki, indi ABŞ söz, mətbuat azadlığı, jurnalist həbsi və digər məsələlərlə yenidən oyun oynamaq, guya demokratik dəyərləri müdafiə etdiyini göstərmək istəyir: “Amma onların Suriyada, İraqda, 1999-cu ildə Serbiyada demokratik dəyərlərlə necə “hörmət” etdiyini görmüşük, indi də Ukraynada görürük. Bəli, onlar burada inqilab etmək, ölkəmizi viran qoymaq, dağıtmaq istəyirlər. Biz də buna imkan vermirik. Hazırda Azərbaycana qarşı kampaniya aparırlar, bu işdə jurnalist, söz azadlığı, siyasi məhbus və s. kimi məqamlardan yararlanmağa çalışırlar”.

Professorun fikrincə, ABŞ-ın Azərbaycana qarşı qərəzli mövqeyinin kökündə iqtisadi məsələlər də var: “Hazırda ABŞ Avropaya sıxılmış qaz satır. Azərbaycan da Avropanın bir neçə ölkəsini qazla təmin edir, bu məsələdə rəqiblərdən biridir. Yəni bir sıra kompleks səbəblərə görə, ABŞ-da Azərbaycana və İlham Əliyevə qarşı əsassız hücumlar başlayıb. Bu, ona görə baş verir ki, Azərbaycan müstəqil və milli siyasət yürüdür. Başqa ikinci səbəb yoxdur”.

Y. QACAR




Bölməyə aid digər xəbərlər
{sape_links}{sape_article}