14:50 / 28-02-2024
Lavrov Türkiyəyə gedir
Sağlamlıq üçün gün ərzində neçə addım atılmalıdır?
Tarix: 12-02-2024 14:37 | Bölmə: Slayd
Sağlamlıq üçün gün ərzində neçə addım atılmalıdır?

Sağlam həyat tərzi üçün gəzinti mütləqdir və insan kiçik addımlarla ürəyinə böyük faydalar verə bilər. Bəs sağlamlıq üçün gün ərzində ən azı neçə addım atmaq lazımdır?

İllərdir deyirlər ki, sağlamlıq üçün gündə 10 min addım atılmalıdır. Ancaq müasir həyatın vaxt azlığı hər gün 10 min addım atmağı mümkünsüz edə bilər.

Reyting.az xəbər verir ki, Polşanın Lodz Universitetinin tədqiqatçıları ürəyin sağlamlığı üçün gündə neçə addım atılmaqla bağlı suala cavab tapıblar və bu, minimum saydır.

Alimlər belə nəticəyə gəliblər ki, ürəyin sağlamlığını qorumaq üçün hər gün ən azı 2337 addım atılmalıdır. Təbii ki, nə qədər çox addım atılsa, bir o qədər yaxşıdır. Amma gündə 2 min 337 addımdan azı sağlamlığa kömək etmir.

Mütəxəssislərin fikrincə, atılan addımlar ürəyə xidmətdir. Məsələn, gündə 3867 addım atmaq ölüm riskini azaldır.

Araşdırmaya görə, gündə ən az 12 dəqiqə velosiped sürmək ürək üçün faydalıdır. Velosiped sürmək diabet və ürək-damar xəstəlikləri ilə əlaqəli molekulları 29 faiz azaldır.

Gündə bir neçə fincan qəhvə içmək isə ürəyə müsbət təsir edir.

Müntəzəm olaraq qan vermək yüksək təzyiqi idarə etməyə kömək edə bilər.

Rəngarəng tərəvəz və paxlalılar yemək ürək-damar xəstəlikləri riskini yarıya qədər azaldır. Eyni zamanda gecələr təzyiq dərmanı qəbul etmək ürəkdən ölüm riskini 45 faizə qədər aşağı salır.

Araşdırmalar göstərir ki, pişik və itlərə sahib olmaq ürək xəstəliyi riskini 31 faiz azaldır. Heyvanlarla dostluq da stressi aşağı salır.

Alimlərin qənaətinə görə, 20 min addım atmaq insan sağlamlığı üçün daha faydalı ola bilər.

V. QULİYEV




Bölməyə aid digər xəbərlər
{sape_links}{sape_article}