16:46 / 19-04-2024
İlham Əliyev Rusiyaya gedir
Mafiya lideri nüvə silahı üçün materiallar satmaq istəyib
Tarix: 22-02-2024 16:00 | Bölmə: Slayd
Mafiya lideri nüvə silahı üçün materiallar satmaq istəyib

Yaponiyadakı mafiyanın rəhbəri Myanmadakı üsyançıları silahlandırmaq üçün pulemyot və raket arsenalı müqabilində İrana silah dərəcəli nüvə materialı olan plutonium tədarük etməyə cəhd göstərib.

Reyting.az
xəbər verir ki, cümə axşamı açıqlanan ittiham aktına görə, ittiham tərəfinin vəkilləri 60 yaşlı Takeşi Ebisavanı “Yakuza transmilli mütəşəkkil cinayətkar şəbəkə” nin lideri kimi təsvir ediblər.

Ebisava 2022-ci ilin fevral ayında uran, torium və plutonium nümunələri gətirən üç Myanma üsyançısı ilə Taylandın Phuket şəhərinə getməkdə ittiham olunur. Terrorçular özlərini beynəlxalq silah alverçisi kimi təqdim edən Narkotiklərlə Mübarizə İdarəsində çalışan amerikalı gizli agentlə görüşüblər. Prokurorlar bildiriblər ki, onu amerikalılar üçün işləyən və özünü iranlı general kimi göstərən başqa bir adam müşayiət edib.

İttihama görə, üsyançılardan biri məxfi agentdən onun otel otağına gəlməsini istəyib və orada ona nüvə materialının nümunələrini göstərib. Prokurorlar, nümunələrin daha sonra Tailand səlahiyyətliləri tərəfindən ələ keçirildiyini və amerikalılara təhvil verildiyini, onlar ABŞ nüvə laboratoriyasında sınaqdan keçirdikdən sonra onlarda silah dərəcəli plutonium və həmçinin uran olduğunu müəyyən ediblər.



Bildirilir ki, Ebisava və qrupun digər üzvləri nümunələri göstərdikdən sonra məxfi agent və sözdə iranlı generalla “nüvə materialları müqabilində silah müqaviləsi”ni müzakirə edib və lentə alınan görüş keçiriblər. Ebisavanın iranlı general olduğunu düşündüyü agentə “satmaq istədiyi böyük miqdarda nüvə materialına” çıxışı olduğunu izah edib.

Ebisavanın material nümunəsinin fotoşəkillərini göndərdiyi və uran almaqda maraqlı olan alıcıların olub-olmadığını soruşduğu qeyd edilir. Gizli agent ona “Generalın” “çox maraqlı olduğunu” və bunun elektrik enerjisi istehsal etmək üçün deyil, İranın nüvə silahı proqramının bir hissəsi kimi istifadə ediləcəyini söyləyib.

İddialara görə, Ebisava bir mədən şirkətindən 6,9 milyon dollara 50 metrik ton uran və torium tədarükü təklifi göndərib. Prokurorlar, Ebisava daha güclü ola biləcək plutonium əldə edə bildiyini də söyləyib. Ebisava bu maddələrin ticarəti üçün lisenziyasının olmadığını etiraf etdikdən sonra onunla gizli agent arasında aşağıdakı dialoq baş verib.

Gizli agent: Bu, çox sakit və gizli bir qanunsuz əməliyyat olacaq.

Ebisava: Bəli. Ona görə də bu barədə tez danışmalıyıq.

Prokurorlar deyirlər ki, bu danışıqlar davam edərkən Ebisava onlara böyük miqdarda silah almaq istədiyini bildirib və onlara 5000 AK-47, bir milyon patron, 20 M60 pulemyot, raket və 20 yerüstü top tələb edən alış-veriş siyahısı göndərib. Siyahıda Myanma üsyançı qrupunun lideri tərəfindən tələb edilən hava raketləri də olub. Ebisavanın Myanma üsyançı qrupunun liderinə silah alışını maliyyələşdirmək üçün onun vasitəsilə İrana nüvə materialı satmağı təklif etdiyi bildirilir.

Üsyançılar sonrakı görüşdə iddia ediblər ki, onlarda “istifadəyə hazır” 100 kiloqram zənginləşdirilmiş uran və 30 gün ərzində hazır ola biləcək daha 500 kiloqram var.

Qeyd edək ki, Nyu-Yorkda həbs edilən Ebisava həm də narkotik alverində ittiham olunur. Cümə axşamı Manhettendə hakim qarşısına çıxarılcaq Ebisava, nüvə materialının beynəlxalq qaçaqmalçılığı və digər ittihamlar üzrə dindiriləcək.

V. QULİYEV




Bölməyə aid digər xəbərlər
{sape_links}{sape_article}