16:53 / 21-05-2024
Ruslar hücuma hazırlaşır
14:49 / 21-05-2024
"Mercedes" "Tesla"-ya uduzur
60 milyard dollarlıq yardımın önü açılır
Tarix: 18-04-2024 10:57 | Bölmə: Slayd
60 milyard dollarlıq yardımın önü açılır

ABŞ Nümayəndələr Palatasının spikeri Mayk Consonun təqdim etdiyi Əlavə maliyyələşdirmə qanunu Ukraynaya Rusiyanın təcavüzünə qarşı mübarizədə dəstək olmaq üçün 60,84 milyard dollar, o cümlədən ABŞ-nin silah ehtiyatlarını artırmaq üçün 23,2 milyard dollar ayırmağı təklif edir.

Reyting.az
-ın xəbərinə görə, M. Conson daha əvvəl izah edib ki, Ukraynanı əlavə maliyyələşdirmə qanunu silah transferlərindən uzaqlaşacaq və kredit strukturunu ehtiva edəcək.

Məlumata görə, Ukraynaya yardım layihəsi Konqresin yuxarı palatası olan Senat tərəfindən təsdiq edilmiş orijinal versiyadan fərqli olaraq, İsrailə və ABŞ-nin Hind-Sakit okean regionunda müttəfiqlərinə yardımdan ayrıca nəzərdən keçiriləcək. İsrailə dəstək üçün 26,38 milyard dollar, Hind-Sakit okean regionunun ehtiyaclarını dəstəkləməyə isə 8,12 milyard dollar ayrılması təklif edilir.

Dörd qanun layihəsinin hər biri üzrə səsvermə (Üçü artıq qanunvericilərə təqdim edilib, dördüncü isə Rusiya, Çin və İrana qarşı mübarizə ilə bağlı bu gün Palatada təqdim olunacaq-red.) şənbə günü axşam saatlarında keçiriləcək.

Beləliklə, Nümayəndələr Palatası sabiq prezident Donald Trampın ifrat sağçı tərəfdarlarının qanun layihələrini ayrıca nəzərdən keçirmək tələblərinə qulaq asıb.

Onu da qeyd edək ki, CNN-nin vəziyyətlə tanış olan şəxslərə istinadla verdiyi məlumata görə, son sənəd - demokratlar dəstək şərti olaraq bunu israr etdiklərindən - təsdiq üçün Senata göndəriləcək böyük bir paketdə birləşdiriləcək.

E. KAMAL




Bölməyə aid digər xəbərlər
{sape_links}{sape_article}