00:11 / 14-06-2024
Bu gün "Son zəng"dir
Rusiya dövlət sərhədini genişləndirmək istəyir - İki ölkədə narahatlıq yaranıb - Foto
Tarix: 22-05-2024 17:40 | Bölmə: Slayd
Rusiya dövlət sərhədini genişləndirmək istəyir - İki ölkədə narahatlıq yaranıb

Rusiyanın Baltik dənizində - Litva və Finlandiyanın dövlət sərhədi yaxınlığında ərazi sularını genişləndirmək planı var. Litva Xarici İşlər Nazirliyi Rusiyanın bu planını “qonşu ölkələri və onların cəmiyyətlərini qorxutmaq üçün məqsədyönlü təxribat” adlandırıb.

Reyting.az
-ın məlumatına görə, Litva Xarici İşlər Nazirliyi Rusiya nümayəndəsini hərtərəfli izahat almağa dəvət edir və onun cavabını tərəfdaşlarla əlaqələndirir.

“Delfi” nəşri yazır ki, Rusiya Müdafiə Nazirliyi sənəd hazırlayıb və bu sənədə əsasən Rusiya Finlandiya körfəzinin şərqində, eləcə də Kalininqrad vilayətinin Baltiysk və Zelenoqradsk şəhərləri yaxınlığında akvatoriyanın bir hissəsini daxili dəniz suları elan etmək niyyətindədir.

Litvanın xarici işlər naziri Qabrielius Landsbergis deyib ki, Litva və Finlandiya ilə dəniz sərhədlərini yenidən cızmaq niyyətində olan Rusiya növbəti hibrid əməliyyatı həyata keçirir:

“Rusiyanın daha bir hibrid əməliyyatı davam edir. Bu dəfə Baltik dənizində qorxu və qeyri-müəyyənlik yaratmağa çalışırlar. Buna sərt cavab verilməlidir”.



Xatırladaq ki, dünən “Moscov Times” Rusiya hökumətinin qərar layihəsinə istinadla yazıb ki, Rusiya hakimiyyəti Finlandiya körfəzinin şərqində, həmçinin Baltiysk və Zelenoqradsk yaxınlığındakı akvatoriyanın bir hissəsini daxili suları elan etməyə hazırlaşır. Kalininqrad bölgəsi, Rusiya Federasiyasının daxili dəniz sularıdır.

Sənəddə bildirilir ki, 1985-ci ildə müəyyən edilmiş coğrafi koordinatlar “indiki coğrafi vəziyyətə tam uyğun gəlmir”. Rusiya Finlandiya sərhədində bir sıra adaların ərazisində, eləcə də Narva çayının şimal giriş burnu yaxınlığında koordinatları tənzimləmək istəyir. Litva sərhədində isə belə ərazilər Kuronian Spit zonasında, Cape Taran əraziləri və Baltik Spit cənub burnudur.

Onu da qeyd edək ki, Rusiyanın dəniz sərhədini dəyişmək niyyəti taktiki nüvə silahı təlimlərinin başlanması ilə eyni vaxtda müzakirəyə çıxarılıb.

E. KAMAL




Bölməyə aid digər xəbərlər
{sape_links}{sape_article}