00:11 / 14-06-2024
Bu gün "Son zəng"dir
Stoltenberq: “Ukraynaya verdiyimiz vədi yerinə yetirmirik”
Tarix: 27-05-2024 16:06 | Bölmə: Slayd
Stoltenberq: “Ukraynaya verdiyimiz vədi yerinə yetirmirik”

NATO-nun müttəfiqləri Rusiyaya qarşı müharibədə Ukraynanın təcili müdafiə ehtiyaclarını artırmaq üçün verdikləri vədləri yerinə yetirmirlər.

Reyting.az
xəbər verir ki, bunu Şimali Atlantika Müqaviləsi Təşkilatının (NATO) baş katibi Yens Stoltenberq NATO Parlament Assambleyasının Sofiyada (Bolqarıstan) keçirilən yaz sessiyasında çıxışı zamanı deyib.

"Problem ondadır ki, son aylarda Ukraynaya vəd etdiklərimizi çatdırmadıq. ABŞ altı ay ərzində yeni yardım paketi ilə bağlı razılığa gəlib. Bir milyon döyüş sursatı vəd edən avropalı müttəfiqlər isə hələ bu məbləğə yaxınlaşmayıblar”, - Stoltenberq bildirib.

Baş katib aprel ayında NATO müdafiə nazirlərinin Ukrayna prezidenti Vladimir Zelenski ilə görüşdüyünü də xatırladıb. Qeyd olunur ki, Zelenski xüsusilə “Patriot” və SAMP/T kimi qabaqcıl hava hücumundan müdafiə sistemlərinə təcili ehtiyac duyulduğunu deyib.

"Əlavə bir “Patriot” sistemi təhvil verən Almaniyadan başqa, müttəfiqlər hava hücumundan müdafiə ilə bağlı vədlərini yerinə yetirmədilər", - baş katib əlavə edib.

Stoltenberqin sözlərinə görə, hərbi yardımın çatdırılmasındakı “boşluqlar və gecikmələr” Ukraynadakı hazırkı vəziyyətin yaranmasına səbəb olub.

“Fakt ondan ibarətdir ki, ukraynalılar döyüş sursatı, hava hücumundan müdafiə texnikası almazsa və başqa təchizatlar gəlməzsə, belə bir vəziyyətdə Ukrayna torpaqlarını müdafiə etmək çətinləşəcək. Xüsusilə, Rusiyanın atəş gücündə üstünlüyü və ukraynalıların Rusiya raketlərini vura bilməməsinin nəticələri var. Buna görə də hazırda döyüş meydanında vəziyyət çətinləşib”, - deyə Stoltenberq bildirib.

Qeyd olunur ki, müttəfiqlərin Ukraynaya dəstək səylərini gücləndirməsinə təcili ehtiyac var.

E. KAMAL




Bölməyə aid digər xəbərlər
{sape_links}{sape_article}