Rusiya muzdlu döyüşçüləri Türkiyəyə qarşı döyüşə göndərir - Foto
Tarix: 20-05-2020 18:57 | Bölmə: Slayd
Rusiya muzdlu döyüşçüləri Türkiyəyə qarşı döyüşə göndərir

Türkiyə ilə Liviya milli keçid hökumətinə bağlı silahlı qüvvələrin koordinasiyalı fəaliyyəti qiyamçı general Xəlifə Haftarın tabeliyindəki döyüşçüləri çətin vəziyyətlə üzləşdirib. Bu səbəbdən də Rusiya qiyamçı generala kömək üçün döyüşçülər göndərir.

Reyting.az
xarici mediaya istinadla xəbər verir ki, Rusiya Suriyanın Humut şəhərindən gəncləri aylıq 1500 dollar qarşılığında döyüşmək üçün Liviyaya göndərir.

Böyük Britaniyanın Türkiyəyə kömək məqsədilə Liviya legitim hökumətini dəstəkləməsi, NATO-nun “lazım gələrsə, Tripoliyə dəstək verərik”, - açıqlamasından sonra beynəlxalq izolyasiya vəziyyəti ilə üzləşən Xəlifə Haftarın köməyinə Rusiya çatır.

İddialara görə, Rusiya kəşfiyyatı Suriyadakı gəncləri Liviyaya göndərməklə qiyamçı Haftar üçün yeni ordu formalaşdırmağa çalışır. Yerli mənbələr isə bildirir ki, Əsədi dəstəkləyən ruslar Liviyada Haftarı suriyalı muzdlu döyüşçülərin hesabına gücləndirməyə çalışır.

İddia olunur ki, Rusiyanın Suriyada Haftar üçün apardığı bu fəaliyyətə Bəşər Əsədi dəstəkləyən İran tərəfindən də (lojistik) dəstək verilir.

Rusiya muzdlu döyüşçüləri Türkiyəyə qarşı döyüşə göndərir

Yerli mənbələrin xəbərinə görə, Humusda 600-a qədər muzdlu döyüşçü İran və Rusiya hərbi avtomobilləri ilə Hama hava bazasına gətirilib. Burada suriyalı döyüşçülərə 500 dollar öncədən ödəniş etməklə Liviyaya göndərilir.

Qeyd olunur ki, Rusiya hələ may ayında Suriyadan bir neçə yüz nəfəri Haftara köməyə göndəribmiş. Hazırda Haftarın tərəfində rus muzdlu döyüşçüləri, Sudandan gətirilən xüsusi dəstələr və Çadlı üsyançılar da daxil olmaqla əcnəbilər vuruşur.

Misirin “Mada Masr” xəbər saytı isə misirli rəsmilərə istinadla Vatiyyə hərbi bazasının itirilməsinin ardınca Birləşmiş Ərəb Əmirliyi və Misirin də Xəlifə Haftarı tərk etməyə hazırlaşdıqlarını yazıb.

Başqa bir misirli rəsmi isə bildirib ki, əməliyyatda vurulan və ələ keçirilən rus silah sistemlərinin görüntülərinin yayılmasından sonra Rusiya narahat olmağa başlayıb.

Liviyalı qaynaqlar isə iddia edir ki, Misir artıq Xəlifə Haftarın alternativini də tapıb.

Müşahidəçilər qeyd edir ki, Böyük Britaniyanın və NATO-nun ortaya kəskin mövqe qoymaları, faktiki olaraq Liviya keçid hökumətinin arxasında duran Türkiyəni dəstəkləməsi Misir və Birləşmiş Ərəb Əmirliyinin geri çəkilməsinə səbəb olub. Rusiya isə hələlik Haftarı dəstəkləməklə Liviya neftindən pay almaq ümidlərini üzməyib.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}