Azərbaycan hakimiyyətinə çağırış: Qarabağda hərbi əməliyyatlara başlayın! - Bəyanat
Tarix: 21-05-2020 13:11 | Bölmə: Slayd
Azərbaycan hakimiyyətinə çağırış: Qarabağda hərbi əməliyyatlara başlayın!

“Erməni separatçıları 27 ilə yaxındır “Sülh danışıqlarından” istifadə edərək Azərbaycanın işğal olunmuş Dağlıq Qarabağ bölgəsində elan etdikləri qondarma “respublikada” mütəmadi olaraq seçkilər keçirir. BMT Təhlükəsizlik Şurasının 822, 853, 874 və 884 saylı qətnamələri, eləcə də Avropa Şurası Parlament Assambleyasının qəbul etdiyi qətnamələrlə, ermənilərin qeyd-şərtsiz olaraq Azərbaycanın işğal olunmuş torpaqlarından geri çəkilməsinin tələb edilməsinə baxmayaraq, separatçılar buna məhəl qoymurlar”.

Reyting.az
xəbər verir ki, bu fikirlər Azərbaycan Liberal Demokrat Partiyasının (ALDP) bəyanatında yer alıb.

Bildirilir ki, tanınmamış qondarma “DQR”-də keçirilən “seçkilər” bütün beynəlxalq normalara ziddir:

“Bu gün mayın 21-də Azərbaycanın qədim Şuşa qalasında qondarma “Dağlıq Qarabağ Respublikası” "prezidenti"nin inauqurasiya mərasiminin keçirilməsi planlaşdırılıb. ATƏT-in Minsk qrupu həmsədrlərinin susqunluğunu görərək Ermənistanın Baş nazirinin də həmin “tədbirdə” iştirakı nəzərdə tutulub.

ALDP hesab edir ki, ATƏT-in Minsk qrupu və bəzi beynəlxalq təşkilatların Azərbaycana münasibətdə ikili standartların mövcudluğu Azərbaycan xalqında hiddət yaradır”.

ALDP bəyan edir ki, Azərbaycan “Sülh danışıqlarından” imtina etməli və işğal olan torpaqlarımızı azad etmək üçün anti-terror əməliyyatına başlamalıdır.

“Torpaqlarımızın işğaldan azad olunmasında ALDP dövlətimizin yanındadır. Bəyan edirik ki, artıq danışıqlara son qoyulmağın və silaha əl atmağın vaxtıdır.

Bu dəfə diplomatlar yox, Azərbaycan ordusu sözünü deməlidir”,- deyə ALDP-nin bəyanatında qeyd olunur.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}