Xaos imperatoru: Rusiya Corc Sorosun son fəaliyyətindən niyə narahatdır?
Tarix: 03-05-2021 13:31 | Bölmə: Slayd
Xaos imperatoru: Rusiya Corc Sorosun son fəaliyyətindən niyə narahatdır?

Dünyada “rəngli inqilab”ların memarı, ölkələrin daxili işlərinə müdaxilə edən şəxs kimi tanınan, vətəndaş cəmiyyəti vasitəsilə dövlətlərə sızan Corc Sorosun qurduğu Açıq Cəmiyyət İnstitutu 1980-cı illərdən Şərqi Avropada fəaliyyətə başlayıb.

Reyting.az
xatırladır ki, Soros Fondu kimi tanınan quruluş ilk olaraq Macarıstan, Polşa və SSRİ-nin lideri olduğu digər ölkələrdən fəaliyyətə start verib. Soros Fondu bu ölkələrdə kommunizmə qarşı qüvvələrə maliyyə və təşkilatlanmanı dəstəkləyib.

1990-cı illərdə Ukrayna və Rusiya da daxil olmaqla, Soros Fondu Sovet İttifaqı ərazilərinə yayılıb, 2000-2010-cu illərdə isə bir sıra keçmiş sovet respublikalarında “rəngli inqilab”lar layihəsinə dəstək verib.

2010-cu ilin ortasında Açıq Cəmiyyət İnstititu-Soros Fondu Avropa, Avrasiya, Asiya, Afrika, Yaxın Şərq, Latın Amerikası və ABŞ-a qədər dünya çapında öz ofislərini açıb.

ABŞ prezidenti Donald Trampın hakimiyyəti dövründə Soros Fondu onu devirmək məqsədilə 50-dən çox qurumla əməkdaşlıq edib.

2017-ci ildə isə 150 mindən çox amerikalı Corc Sorosun yerli terrorçu elan olunması və əmlakına əl qoyulması məqsədilə hazırlanan müraciətə imza atıb. Seçkilərdən sonra Soros, Hillari Klinton və Demokrat Partiyasını aktiv şəkildə dəstəkləyib. C. Baydenin ABŞ prezidenti seçilməsinin ardınca Soros 10 milyonlarla dollar xərcləyib. Məsələn, Baydenin “nəsildə bir dəfə” layihəsinin 2,3 tirlyard dollarlıq infrastruktur xərclər planına lobbiçilik edib.

Maliyyə dünyasında Soros ən çox 1992-ci ildə İngilətərə sterlinqinə qarşı həyata keçirdiyi spekulyasiya əməliyyatları ilə tanınıb.

Corc Soros 2020-ci ildə Avropa İnsan Haqları Məhkəməsinin qərarı ilə Fransa məhkəməsi tərəfindən 2011-ci ildə daxildən informasiya sızdırmaqda təqsirli bilinib.

2015-ci ildə Rusiya milli təhlükəsizliyinə və konstitusiyasına təhdid yaratdığı üçün xaos imperatoru, macar əsilli ABŞ vətəndaşı Corc Sorosun Açıq Cəmiyyət İnstitutunun fəaliyyətini qadağan edib.

Corc Soros və fondunun yenidən gündəmə gəlməsinə səbəb Rusiya Təhlükəsizlik Şurasının katibi Nikolay Paturşevin son açıqlamaları olub.

Rusiyanın ən məlumatlı şəxslərindən olan Paturşev bəyan edib ki, ABŞ-dakı küçə hadisələrində də Sorosun “barmağı” var.

“Bildiyiniz kimi, külək fırtına yaradar. Xaricdə “rəngli inqilab”ların arxasında Soros Fondu dayanır və ABŞ-da küçələri də qarışdırdı. Bu qurum layihələrini kiçiltmək niyyətində deyil. Əksinə, onlara sistematik xarakter verməyə çalışır”,- deyə Paturşev bildirib.

Rusiya rəsmisi iddia edib ki, Soros və köməkçiləri “hökumətlərin zəif və problemli elan etdiyi” meyarları təyin emək üzərində işləyirlər.

Reyting.az




Bölməyə aid digər xəbərlər
bütün xəbərlər
{sape_links}{sape_article}