17:38 / 28-03-2024
Əməkdar artist vəfat edib
Politoloq: “Bir il belə davam etsə, Rusiya iqtisadi baxımdan çökəcək”
Tarix: 07-05-2021 09:50 | Bölmə: Slayd
Politoloq: “Bir il belə davam etsə, Rusiya iqtisadi baxımdan çökəcək”

“ABŞ-Rusiya qarşıdurması davam etsə də, heç vaxt hərbi mərhələyə daxil olmayacaq. ABŞ prezidenti Bayden kifayət qədər ölçülü-biçili fiqurdur. ABŞ dövlət katibi də ağıllı diplomatdır. Odur ki, qarşıdurma davam etsə də, müharibə gözləmirəm”.

Bu sözləri Reyting.az-a politoloq Cümşüd Nuriyev deyib.

C. Nuriyev əlavə edib ki, Rusiya prezidenti Putin Krımı işğal etdikdən sonra sanki rusların dişində şirə qalıb: “Onlar ərazilərini genişləndirməkdən əl çəkmək istəmirlər. Mərkəzi Rusiya batır, amma bunlar yenə də kənardan torpaq istəyirlər. Sanki gözləri doymur. Adətən imperiyalar ambissiyalarını artırdığı zaman dağılmağa başlayırlar. Rusiya dağılması ehtimal olunan imperiya siyahısında birincidir.

Əlbəttə, Moskvada 2024-cü ilə SSRİ-ni bərpa etmək istəkləri var. Hər halda mətbuat bu barədə yazırdı. Ancaq Rusiya buna nail olmasın deyə, çalışacaqlar ki, Rusiyanı dağıtsınlar”.

Politoloq əlavə edib ki, əslində iqtisadi cəhətdən Rusiyanı çökdürmək üçün Qərb dünyası böyük işlər görüb. Onun sözlərinə görə, Rusiya iqtisadi baxımdan çox geriləyir: “Mənim fikrimcə, bir il belə davam etsə, Rusiya iqtisadi baxımdan çökəcək. Bu da Rusiyanın dağılması deməkdir”.

Reyting.az




Bölməyə aid digər xəbərlər
{sape_links}{sape_article}