Generallar Baydenə müraciət edib: “Xalq böyük təhlükə ilə üzləşib”
Tarix: 12-05-2021 19:57 | Bölmə: Slayd
Generallar Baydenə müraciət edib: “Xalq böyük təhlükə ilə üzləşib”

Almaniya və Fransadan sonra ABŞ-da da bir qrup təqaüdçü general prezident Baydenə xəbərdarlıq məktubu yazıb.

Reyting.az
-ın məlumatına görə, ABŞ ordusunda xidmət etmiş yüksək çinli 124 hərbçi Baydenə müraciətində bildirib ki, amerikalılar böyük təhlükə ilə üz-üzədir.

Təqaüddə olan general və admirallardan ibarət qrup ABŞ prezidentinə müraciəti mayın 10-da imzalayıblar.

Məktubda prezident seçkiləri zamanı C. Baydenin lehinə hiylə edildiyi və konstitusiya ilə tanınan hüquqlara hücum olduğu üçün Amerika xalqının böyük təhlükə içərisində olduğuna dair narahatlıq ifadə olunub.

Bayden hakimiyyəti altında ABŞ-ın sosializm və marksizmə doğru radikal bir dönüş etdiyinin qeyd olunduğu məktubda yazılır ki, konstitusiyalı respublikanı qorumaq üçün hərəkət edəcək Konqres və prezidentin seçilməsilə buna qarşı çıxmaq lazımdır.

“Xalqımız böyük bir təhlükə qarşısındadır. 1776-cı ildə yaranışımızdan bu yana heç zaman olmadığı qədər həyatda yaşamaq mübarizəsi aparırıq. Qarşıdurma, konstitusiya azadlığı və azadlıq tərəfdarlarına qarşı sosializm-marksizm tərəfdarları arasında” ifadələrinə yer verilən məktubda 2020-ci ilin noyabrındakı prezident seçkilərindən öncə 317 general tərəfindən yazılan xəbərdarlıq məktubunun Demokratların iqtidarındakı sol və markisist meyllər üzərində olduğunun doğru çıxdığına vurğu edilib.

Məktubda ədalətli seçkilərin əhəmiyyətinə işarə edilərək yazılır ki, xalqın iradəsini doğru ifadə edən ədalətli və şəffaf seçkilər olmadan konstitusiyalı respublika yox olar.

Məktubda Bayden administrasiyasının “Diktatorcasına Konstitusiya haqlarına hücum etdiyi” iddia olunur: “Konqresdən keçərək 50-dən çox qərar sürətlə imzalandı və çoxu öncəki hakimiyyətin siyasət və düzənlənməsini tərsinə çevirdi”.

Daha sonra generallar Baydenə bir sıra tövsiyələr də veriblər.

Maraqlıdır ki, son bir ayda analoji müraciətlər daha bir neçə ölkədə olub. Bəzi ölkələrdə generalların belə müraciətləri seçilmiş hökumətlərin fəaliyyətinə müdaxilə kimi qiymətləndirilib, hətta onların paqonlarının sökülməsi də gündəmə gətirilib.

Reyting.az




Bölməyə aid digər xəbərlər
bütün xəbərlər
{sape_links}{sape_article}