Deputat: “Bayden-Putin görüşündə Qafqaz bölgəsi ilə bağlı qərarın veriləcəyi reallıqdan uzaqdır”
Tarix: 09-06-2021 14:22 | Bölmə: Slayd
Deputat: “Bayden-Putin görüşündə Qafqaz bölgəsi ilə bağlı qərarın veriləcəyi reallıqdan uzaqdır”

“ABŞ və Rusiya prezidentləri Bayden və Putinin nəzərdə tutulan görüşü zamanı Qafqaz bölgəsi ilə bağlı hər hansı qərarın veriləcəyi reallıqdan uzaqdır. Bu mümkün deyil, amma müzakirələr vacibdir. Hesab edirəm ki, bu iki prezidentin gündəliyi xeyli geniş olacaq”.

Bunu Reyting.az-a Milli Məclisin deputatı, politoloq Rasim Musabəyov dünyanın fokuslaşdığı Bayden-Putin görüşünü şərh edərkən deyib.

R. Musabəyovun qənaətincə, Bayden-Putin görüşündə Ukrayna daha əhəmiyyətli yer tutacaq. Amma Qafqaz regionu ətrafında da müəyyən fikir mübadiləsinin aparılacağı istisna olunmur.

R. Musabəyov Ərdoğan-Bayden görüşünə də toxunub. Onun ehtimalına görə, bu görüşdə Suriya, Liviya və İran məsələsi daha aktual olacaq.

Qafqaz məsələsinin də müzakirə ediləcəyini bildirən deputat düşünmür ki, bu müzakirələr bölgədəki mövcud vəziyyətə hansısa formada təsir etsin.

Bununla belə R. Musabəyov ehtimal etmir ki, Bayden-Putin və Ərdoğan-Bayden görüşündən sonra Putin-Ərdoğan görüşü üçün ehtiyac yaransın: “Normalda belə görüş ola bilər. Əslində Moskva və Ankara daima dialoq içindədir. Ancaq müşahidələr göstərir ki, Putin son zamanlar görüşlərdən boyun qaçırır. Mən bunun nə ilə əlaqəli olduğunu bilmirəm. Mümkündür ki, səhhətindən qorxur. Təsəvvür edin ki, BMT Baş katibi Moskvaya səfər etmişdi. Ona təklif olunmuşdu ki, siz də 14 gün karantində oturun. Halbuki bu, mümkün olan şey deyil. Bu mənada düşünmürəm ki, Putin və Ərdoğan arasında görüşə ehtiyac yaransın”.

R. Musabəyov bir daha qeyd edib ki, Rusiya və Türkiyə daima əlaqədədirlər: “Bəzən hər ay telefonda nələrisə müzakirə edirlər. Mən düşünmürəm ki, Baydenin Avropa görüşlərindən sonra Ərdoğan-Putin görüşünə ehtiyac olsun”.

Reyting.az




Bölməyə aid digər xəbərlər
bütün xəbərlər
{sape_links}{sape_article}