08:23 / 21-10-2021
Azad Zəngilan - Fotolar
Yeni müharibə təhlükəsi: nüvə silahına malik güclər qısa müddətdə məhv ola bilər
Tarix: 24-09-2021 13:14 | Bölmə: Slayd
Yeni müharibə təhlükəsi: nüvə silahına malik güclər qısa müddətdə məhv ola bilər

Hərbi və siyasi ekspertlərin III Dünya müharibəsinin başlayacağı ərazi olacağını ehtimal etdiyi bölgədə Çin yenidən hərbi gücünü nümayiş etdirib.

Reyting.az
xəbər verir ki, Çin üçün ən həssas məsələ olan Tayvan və onun müttəfiqi ABŞ-a son iki ilin ən böyük güc nümayişi təqdim olunub.

Hərbi qırıcılar donanmasını Tayvan hava sahəsinə göndərən Çin Xalq Azadlıq Ordusu nüvə başlığı taxılan “H-6” da havaya qaldırıb.

İki qrup halında hərəkət edən qırıcıların əvvəl 19, daha sonra 5-i Tayvana doğru irəliləyib. Çin qırıcıları Tayvanın cənub hissəsinə qədər uçublar.



Tayvan Müdafiə Nazirliyinin “Tvitter” hesabında paylaşılan xəritəyə əsasən, adanın cənubundan şərqinə qədər uçan qırıcılar arasında “H-6” bombardmançı təyyarəsi də olub. Rəsmi açıqlamaya görə, Çin qırıcılarına mesaj göndərilib və hava müdafiə sistemləri Çinin hərbi hərəkətini izləyib. Tayvan Çin qırıcılarının hava sahəsini və 12 millilik su xəttinin pozulduğunu bildirir.

Burada diqqət çəkən Çinin hərəkətlərinin zaman məsələsidir.

Pekin müstəqilliyini tanımadığı Tayvanın çərşənbə günü Trans Atlantik Əməkdaşlıq Anlaşmasına baş vurmasını tənqid edərək “Tək Çin” siyasətini xatırlatmışdı.

İkinci məqam isə AUKUS paktıdır. ABŞ, İngiltərə və Avstraliyanın Çini dayandırmaq üçün imzaladığı razılaşma dünya siyasətində dəyişikliyə səbəb olub. Anlaşmaya əsasən, Avstraliya azı 8 ədəd nüvə sualtı qayığına sahiblənəcək.



Yalnız bu ilin birinci yarısında 20 dəfə təlim keçirən Çin avqustun son günü Tayvanın “işğalını” göstərən video yaymışdı. Rəsmi CCTV kanalında göstərilən video Çin hərbçilərinin masa ətrafında danışması ilə açılır və sürətli hərəkət istənilir. Ordu komandanından hər an müharibəyə hazır olmaları əmri alan əsgərlər gecəyarısı yola çıxırlar. Beləcə, Çinin Tayvanı hər an işğal edə biləcəyi mesajı verilir.

Çin Müdafiə Nazirliyinin sözçüsü Ren Guoqiang isə Tayvanın müstəqillik axtarışlarının müharibə mənasına gəldiyini bildirib və qarşı tərəfə xəbərdarlıq edib.

Amma Çinin bu addımına qarşı ABŞ və müttəfiqləri Cənubi Çin dənizi və Tayvan boğazında təzyiqləri artırır. ABŞ gəmisi Tayvan boğazından keçərək Cənubi Çin dənizinə açılıb. Bununla paralel olaraq Hind dənizinə açılan İngiltərənin qırıcı daşıyan gəmisi - “HMS Queen Elizabet” liderliyindəki gəmi qrupu Malakka boğazından keçərək Malayziya sahillərinə çatıb. Qrupun məqsədi Tayvanın cənubundakı Flippin dənizidir.

Çin qeyri-rəsmi şəkildə mediası vasitəsilə İngiltərəyə xəbərdarlıq edib, gəminin yanlışlıq etməməsini istəyib.

Yaşananları qiymətləndirən ABŞ-ın beyin mərkəzi - Xarici Əlaqələr Şurasının mütəxəssislərinin fikrincə, bölgədə qarşıdurma ehtimalı son 13 ildə ilk dəfə yüksəlib. Mütəxəssislər bildirir ki, Tayvan hazırda müharibənin başlama ehtimalı olan ən təhlükəli bölgədir.

Mərkəz mütəxəssisləri belə bir müharibəyə ABŞ və Çinlə yanaşı bölgədəki digər böyük güclərin də qarışa biləcəyini təxmin edirlər.

Başqa təxminlərə görə, nüvə silahına malik iki super gücün kiçik qarşıdurması hər iki ölkəni və digər əraziləri məhv edə bilər.



Dünyanın ən böyük dəniz donanmasına sahib Çin ilə ABŞ arasında silahlanma fərqi böyük deyil.

Onu da qeyd edək ki, Çinin döyüş gəmilərinin üstünlüyünə baxmayaraq ABŞ bu sahədə 20 təyyarə daşıyan gəmi ilə dünyada rəqib tanımır. Sualtı qayıqlara gəldikdə, Çin ordusunda 77, ABŞ-da isə 66 belə gəmi var.

Reyting.az




Bölməyə aid digər xəbərlər
{sape_links}{sape_article}