İranın nüvə obyektinə hücumun təfərrüatı üzə çıxıb - Foto
Tarix: 03-12-2021 22:58 | Bölmə: Slayd
İranın nüvə obyektinə hücumun təfərrüatı üzə çıxıb

İranın xüsusi əhəmiyyətə malik nüvə stansiyası “Natanz”ı partlatmaq üçün İsrailin xarici kəşfiyyat xidməti (Mossad) yüksək səviyyəli iranlı elm adamları ilə əməkdaşlıq edib.

Reyting.az
xəbər verir ki, belə bir iddianı Londonda çapdan çıxan “The Jewish Chroinicle” qəzeti irəli sürüb.

Qeyd edək ki, Mossad tərəfindən törədilən təxribatdan sonra İranın nüvə obyektində partlayış baş verib, sentrifuqaların 90 faizi məhv edilib və 9 aya qədər kompleks istifadəyə yararsız olub.

Qəzetin məlumatına görə, İsrail agentləri 10-a yaxın alimə “yaxınlaşaraq” onların beynəlxalq müxalif qruplar üçün işlədiyini iddia ediblər. Bundan sonra iranlı alimlər aprel ayında “Natanz”da yeraltı A1000 sentrifuqa zalının dağıdılmasına razı olublar.

Stansiyanın partlayışında istifadə olunan partlayıcıların bir qismi dronla lazımi ünvana atılıb, elm adamları tərəfindən səssizcə toplanarkən, bəziləri də qida yük maşınındakı qida qutularının içərisində gizlədilib və yüksək mühafizə olunan obyektə ötürülüb. Alimlərin daşıdığı qutular atom elektrik stansiyasındakı sentrifuqaların məhvinə səbəb olub və nüvə işində əsas rol oynayan kompleksin fəaliyyətinə ciddi problemlər yaradıb.

İranda 11 aylıq təxribat dövründə həyata keçirilən üç Mossad əməliyyatının detalları da üzə çıxıb. Bu əməliyyatlardan ikisi 2020-ci ilin iyulunda və 2021-ci ilin aprelində “Natanz”dakı kompleksdə partlayıcı maddələrdən istifadə etməklə hədəfə alınıb. Üçüncü əməliyyat isə bu ilin iyun ayında Kerec şəhərində İranın Texnologiya Şirkətinə (TESA) pilotsuz təyyarə hücumu olub.



Digər iddialar isə aşağıdakı formada təsnifatlaşdırılır:

Mossad casusları 2019-cu ilə qədər “Natanz” nüvə obyektindəki zalın tikintisi üçün istifadə olunan materiallara partlayıcı maddələr yerləşdirib və 2020-ci ildə işə salıblar.

Agentlər İrana parça-parça fırlanan qanadlı dron gətiriblər və iyun ayında Kerecdəki TESA şirkətinə raket atmaq üçün istifadə ediblər.

Üç əməliyyat 18 ay müddətində 1000 texniki, analitik və casusdan ibarət bir qrup, eləcə də İrandakı çoxsaylı agentlər tərəfindən birlikdə planlaşdırılıb.

İranın nüvə infrastrukturuna üç hücum İsrail kəşfiyyat dairələrində “mavi-ağ-qırmızı” adlandırılan və təkbaşına hərəkət edən Mossad agentləri tərəfindən həyata keçirilib.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}