Avropada müharibə təhlükəsi artır
Tarix: 13-01-2022 20:30 | Bölmə: Slayd
Avropada müharibə təhlükəsi artır

Avropada müharibə riski indi son 30 ildə heç vaxt olmadığı qədər yüksəkdir. Reyting.az xəbər verir ki, bunu Avropa Təhlükəsizlik və Əməkdaşlıq Təşkilatının (ATƏT) sədri, Polşanın xarici işlər naziri Zbiqnev Rau bildirib.

Cənab Rau ATƏT-in Daimi Şurasının açılışında deyib ki, ATƏT məkanında müharibə riski son 30 ildə heç vaxt indiki qədər yüksək olmayıb.

Onun sözlərinə görə, hazırda üzv dövlətlər sülh və təhlükəsizlik üçün müxtəlif çağırışlarla üzləşiblər: “Uzun sürən münaqişələr, hərbi qarşıdurma, radikallaşma, terrorizm, silahlara nəzarət rejiminin zəifləməsi, COVID-19 pandemiyasının nəticələri, o cümlədən insan hüquqlarının və əsas azadlıqların pozulması bizim cəmiyyətimizdə qeyri-müəyyənliyin, gözlənilməzliyin və qorxunun artmasına səbəb olur”.



Z. Rau diqqətə çatdırıb ki, ATƏT öz növbəsində Şərqi Avropada təhlükəsizlik problemlərinin həlli, xüsusən də Ukraynanın şərqindəki münaqişənin sülh yolu ilə həll olunması üçün səylərə diqqət yetirməlidir:

“Biz dialoqa açıq olacağıq və ATƏT regionunda qarşılıqlı anlaşmaya nail olmaq və gərginliyin azaldılmasına yönəlmiş təşəbbüsləri təqdim etməyə hazır olacağıq. Biz regional münaqişələrin sülh yolu ilə həllinin axtarışına töhfə verməklə təhlükəsizlik vəziyyətinin yaxşılaşdırılmasına xüsusi diqqət yetirmək istəyirik. Biz diqqəti Ukrayna ətrafındakı münaqişənin Minsk razılaşmalarına uyğun olaraq və Ukraynanın suverenliyinə, ərazi bütövlüyünə və birliyinə hörmətlə sülh yolu ilə həllinə yönəltməliyik”.

ATƏT sədri əlavə edib ki, artıq bir neçə həftədir Şərqi Avropada böyük hərbi eskalasiya ehtimalı ilə üzləşmişik: “Biz bu yaxınlarda ATƏT məkanının mühüm hissəsi olan təhlükəsizlik zəmanətləri tələblərini eşitmişik. Üzv ölkələrin təhlükəsizliklə bağlı səsləndirdiyi etirazlara biganə deyilik. Hesab edirəm ki, ATƏT hərtərəfli təhlükəsizliyin bütün aspektlərinin müzakirəsi üçün düzgün platformadır”.

O, eyni zamanda qeyd edib ki, regionda mümkün hərbi eskalasiya ilə bağlı vəziyyət beynəlxalq qiymətləndirmə və düzgün reaksiya tələb edir.

Bundan əvvəl Avropa İttifaqının xarici əlaqələr üzrə ali nümayəndəsi Cozep Borrell qeyd edib ki, ATƏT və Avropa İttifaqı NATO ilə birlikdə Avropanın təhlükəsizliyinin təmin edilməsində əsas oyunçudur.




Bölməyə aid digər xəbərlər
bütün xəbərlər
{sape_links}{sape_article}