Çin ABŞ-ın Yaxın Şərqdəki mövqelərinə sahiblənir
Tarix: 14-01-2022 16:37 | Bölmə: Slayd
Çin ABŞ-ın Yaxın Şərqdəki mövqelərinə sahiblənir

ABŞ və Rusiya arasında gərginliyin davam etməsi fonunda Çinin bir həftə ərzində Türkiyə, Səudiyyə Ərəbistanı, Küveyt, Bəhreyn, Oman və Körfəz Əməkdaşlıq Şurası ilə Pekində danışıqlar aparması xüsusi diqqət çəkir.

Reyting.az
xəbər verir ki, rəsmi Pekinin bu addımı təsadüfi deyil, daha çox enerji idxalanın təhlükəsizliyi və “Bir kəmər, bir yol” layihəsi ilə əlaqəlidir. Çin bununla həm də son bir həftədə keçirdiyi fövqəladə toplantılarla Yaxın Şərqdə effektivliyini artıracağına işarə edir.

Qeyd edək ki, görüş zamanı tərəflər üç il ərzində Çin və Körfəz Əməkdaşlıq Şurası arasında strateji tərəfdaşlıq üzrə fəaliyyət planını reallaşdıracaqlarını bildiriblər.

Bu həftə Çin, Körfəz Əməkdaşlıq Şurasının (KƏŞ) 4 ölkəsinin xarici işlər nazirlərini və təşkilatın baş katibini qəbul edib. Rəsmi Pekin eyni zamanda enerji qaynaqları baxımından kritik olan Ərəbistan yarımadası və Fars körfəzi regionuna diplomatik səyləri artırıb. ABŞ-ın Yaxın Şərq bölgəsindəki fəaliyyətini azaltmağa başladığı bir vaxtda Çinin strateji təhlükəsizlik səylərini sürətləndirməsi xüsusilə diqqət cəlb edir.

Onu da xatırladaq ki, Körfəz Əməkdaşlıq Şurasının (KƏŞ) üzvü, Səudiyyə Ərəbistanının xarici işlər naziri Feysəl Bin Ferhan, Küveytin xarici işlər naziri Şeyx Əhməd Nasir əl-Məhəmməd əl-Sabah, Bəhreynin xarici işlər naziri Əbdüllətif əz-Zeyyani, Omanın xarici işlər naziri Bədr əl-Busaidi və Körfəz Əməkdaşlıq Şurasının baş katibi Nayif əl-Hacraf bu həftənin əvvəlində 5 günlük səfər üçün Çinə gəliblər.

Çinin xarici işlər naziri Vanq Yi Şanxay yaxınlığındakı Vuşi şəhərində nazirlər və baş katib ilə təkbətək və nümayəndə heyətləri səviyyəsində görüşlər keçirib. Çindən verilən açıqlamalarda Körfəz ölkələri ilə Çin arasında “strateji tərəfdaşlığın inkişaf etdirilməsi”, “sərbəst ticarət razılaşması üçün danışıqların aparılması” və “sərbəst ticarət zonasının yaradılması” mövzusunda razılaşmanın əldə edildiyi bildirilir.

Çinli analitiklər və şərhçilər Çinə misli görünməmiş kollektiv səfərin Çin və Körfəz Əməkdaşlıq Şurası ölkələri arasında əməkdaşlığı dərinləşdirmək üçün birgə iradəni əks etdirdiyini və strateji əhəmiyyət daşıdığını vurğulayırlar.

“Global Times” qəzetinə danışan Çin Sosial Elmlər Akademiyasının Qərbi Asiya və Afrika Araşdırmaları İnstitutunun tədqiqatçısı Yin Qang, “Yeni ilin ilk həftələrində Çin Körfəzlə diplomatik əlaqələr qurur. Bu, Çinin Yaxın Şərq ölkələri ilə siyasi, iqtisadi, elmi və texnoloji əməkdaşlığın inkişafına verdiyi önəmi göstərir”,- deyib.

ABŞ son vaxtlar Yaxın Şərqdəki hərbi varlığını, enerji sahəsində bölgədən asılılığını və investisiyalarını azaltmağa başladığı üçün ərəb ölkələrinin Çin kimi qərəzsiz və güclü tərəfdaşa ehtiyacı olduğuna diqqət çəkən Yin əlavə edib ki, Çinin dəyişməz prinsipi bütün ölkələrlə bərabərhüquqlu münasibətlər qurmaqdır. O, bildirib ki, bölgədə sabitliyin əldə edilməsi Çinin enerji idxalının təhlükəsizliyini və “Bir kəmər, bir yol” təşəbbüsünün inkişafını təmin edəcək.




Bölməyə aid digər xəbərlər
bütün xəbərlər
{sape_links}{sape_article}