12:10 / 25-06-2022
Sabah yağışlı hava olacaq
İranda gərginlik: 40 şəhərdə sosial tələblə keçirilən aksiyalar siyasi xarakter alır
Tarix: 16-05-2022 17:53 | Bölmə: Slayd
İranda gərginlik: 40 şəhərdə sosial tələblə keçirilən aksiyalar siyasi xarakter alır

İranda hökumətin ərzaq subsidiyalarını kəsməsinə qarşı ölkə boyu başlayan etirazlar siyasi xarakter alır. Nümayişlər zamanı etirazçılar ölkənin ali rəhbərlərini istefaya çağırıblar.

Etirazçılar sosial şəbəkədə bildiriblər ki, etiraz aksiyaları zamanı azı dörd nümayiş iştirakçısı həlak olub. Lakin rəsmi mənbələr bu məlumatı təsdiqləmir.

Reyting.az
xəbər verir ki, həyat şəraitinin pisləşməsinə və hökumətin qiymətləri artırmaq qərarına etiraz olaraq İranın müxtəlif şəhərlərində gecə keçirilən nümayişləri dağıtmaq üçün İran polisi və Bəsic qüvvələri dəyənəklərdən və gözyaşardıcı qazdan istifadə edib.

Müəllimlər keçən cümə axşamı İran Şura Məclisinin binasına yürüşə cəhd etdikdən sonra küçələrdə və əsas meydanlarda sərt təhlükəsizlik tədbirləri görülür. Buna baxmayaraq aksiyalar paytaxt Tehrana da yaxınlaşır.

Beynəlxalq xəbər agentliklərinin əlaqə saxladığı paytaxt sakinləri bildiriblər ki, təhlükəsizlik qüvvələri Tehranın hər yerində intensiv şəkildə yerləşdiriliblər.

Etirazçılar paytaxt Tehranın ətrafı Karevan rayonunda keçirilən nümayişlərdən bəzi görüntüləri sosial şəbəkələrdə paylaşıblar. Görüntülərdə nümayişçilərin Bəxtiyari əyalətinin Çaharmahal və Hefşecan şəhərində etirazçılara atəş açdığı görünür. Şahidlərin dediyinə görə, etirazçılar İran İnqilabı Keşikçiləri Korpusunun bir qolu olan Bəsic qüvvələrinin qərargahına basqın etməyə cəhd göstərdikdən sonra atəş açılıb.

Təxminən iki həftə əvvəl ölkənin cənub-qərbində yerləşən Xuzistan əyalətinin inzibati mərkəzi Əhvazda başlayan etiraz aksiyaları Xorasan əyalətinin şimal-şərqindəki Nişapur şəhərinə də çatıb. Bir gün sonra isə ölkənin şimal-qərbindəki Ərdəbil vilayətində aksiya başlayıb.

İranın rəsmi xəbər agentlikləri ölkədə sakit atmosferin hökm sürdüyünə diqqət çəksə də, etirazlar bazar günü səhərə kimi davam edib. Sosial şəbəkələrdə yayılan məlumatlara görə, İranın ən azı 40 şəhər və qəsəbəsində, o cümlədən Türkmənistan sərhədinə yaxın Qoçan, ölkənin şimalında Rəşt və qərbdə Həmədan şəhərlərində də etiraz aksiyaları keçirilib.

Yaşayış şəraitinin pisləşməsinə qarşı son etirazlar hökumətin un və çörəyin qiymətlərini artırmasından sonra başlasa da, Daxili İşlər Nazirliyi süd, yağ, yumurta və toyuq ətinin də bahalaşacağını bildirib.

Qeyd edək ki, hökumət idxal olunan mallara dollarla subsidiya vermək və aztəminatlı insanlara subsidiya verməyi dayandırmaq qərarına gəlib.

Hökumət növbəti iki ayda müəyyən miqdarda subsidiyalaşdırılmış qiymətlər qazanmaq üçün rəqəmsal kuponlar təklif etməyi planlaşdırır. Qalanları bazar qiymətinə təklif olunacaq.

Ötən günlərdə etirazçılar şəhər meydanlarına çatmağa və ya dövlət qurumlarının qarşısına toplaşmağa, əsas yollara yerləşdirilən çevik polislər isə etirazçıları dəf etməyə çalışıblar. Səlahiyyətlilər etirazlar zamanı bir nəfərin öldüyünü təsdiqləyiblər. Lakin etirazçıların sözlərinə görə, təhlükəsizlik qüvvələrinin nümayişçilərə atəş açması nəticəsində azı üç etirazçı həlak olub. İran mediasının bir müddət etirazlarla bağlı səssiz qalmasından sonra rəsmi xəbər agentliyi İRNA etirazların cümə günü keçirildiyini bildirib.

“Royter”in xəbərinə görə, çörəyin bahalaşmasına etiraz olaraq keçirilən aksiyalar zamanı bəzi mağazalar yandırılıb. Xeyli sayda saxlanılanların olduğu bildirilir.




Bölməyə aid digər xəbərlər
{sape_links}{sape_article}