Almaniyada dövlət çevrilişinə cəhd ediblər
Tarix: 07-12-2022 14:59 | Bölmə: Slayd
Almaniyada dövlət çevrilişinə cəhd ediblər

Almaniya Respublikasında hakimiyyət çevrilişi etmək və hökuməti ələ keçirmək niyyətində olan ifrat sağçılar həbs edilib.

Reyting.az
xəbər verir ki, çevriliş planlarının mərkəzində “13-cü Şahzadə Henrix” kimi tanınan 71 yaşlı kişi dayanır.

Almaniya mətbuatının yazdığına görə, ifrat sağçılar və istefada olan hərbçilərdən ibarət qrup Bundestaq Reyxstaqına basqın edərək administrasiyanı ələ keçirmək istəyirmişlər.

Almaniyada polisin ölkə daxilində eyni vaxtda keçirdiyi reydlərdə hökuməti devirməyi planlaşdırdığı iddia edilən 25 nəfəri həbs edib.

Almaniya prokurorları “13-cü Şahzadə Henrix”in 11 federal torpaqda reydlər zamanı saxlanılan iki qrup liderindən biri olduğunu açıqlayıb.

Çevrilişi planlaşdıranlar arasında ifrat sağçı “Reyxbürger Hərəkatı (Reyx Vətəndaşları)” üzvlərinin də zorakılıq hərəkətləri və irqçi sui-qəsd nəzəriyyələri səbəbiylə Alman polisi tərəfindən izləndiyi bildirilir.

Müasir Alman dövlətini tanımayan 50 nəfərlik qrupun respublikanı dağıtmaq və 1871-ci il Almaniya İmperiyasından (2-ci Reyx) nümunə götürülmüş dövlət qurmaq istədiyi iddia edilir.

Federal prokurorluğun sözçüsü bildirib ki, qrupun hələ adı yoxdur.

Reydlərin əksəriyyəti ölkə daxilində həyata keçirilsə də, Avstriya və İtaliyada iki nəfərin saxlanıldığı açıqlanıb.

Almaniyanın DPA xəbər agentliyi məhbusların gün ərzində sorğu-sual ediləcəyini açıqlayıb.

Ədliyyə naziri Marko Buşman “Tvitter” hesabında yazıb: “Konstitusiya təsisatlarına silahlı hücum şübhəsi var və böyük bir antiterror əməliyyatı aparılır”.

Federal prokuror qrupun 2021-ci ilin noyabrından dövlət çevrilişinə cəhd etdiyini bildirib.

Qrupda istefada olan hərbçilərin əhəmiyyətli çəkiyə malik olduğu və üzvlər arasında keçmiş xüsusi təyinatlıların da olduğu qeyd edilir.






Bölməyə aid digər xəbərlər
{sape_links}{sape_article}