18:00 / 24-06-2019
Sami Yusuf Bakıya gəlib
Rəşad İlyasov və Rüfət Axundovun həbsi tələb edildi
Tarix: 01-05-2019 17:27 | Bölmə: Şou-biznes / Xəbər lenti
Rəşad İlyasov və Rüfət Axundovun həbsi tələb edildi

"Space" televiziyasının efirində işlətdiyi ifadələrə görə xüsusi ittiham qaydasında məhkəməyə verilən müğənnilər Rüfət Axundov və Rəşad İlyasovun cinayət işi üzrə məhkəmə prosesi keçirilib.

Reyting.az bildirir ki, hər iki müğənni Yasamal rayon Məhkəməsində keçirilən prosesə gəlməyib.

Xüsusi ittihamçı Rahim Sadıqlının nümayəndəsi çıxışında Rəşad İlyasovla, Rüfət Axundovun cinayət məsluliyyətinə cəlb edilməsini və 6 ay azadlıqdan məhrum olunmasını istəyib. Müğənnilərin vəkilləri məhkəmədən xüsusi ittihamçının şikayətinin təmin edilməməsini istəyiblər.

Məhkəmənin qərarı mayın 2-də veriləcək.

Şikayətdə hər iki müğənninin Cinayət Məcəlləsinin 148 (Təhqir, yəni kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində şəxsiyyətin şərəf və ləyaqətini nalayiq formada qəsdən alçaltma) maddəsinin sanksiyası çərçivəsində cəzalanması tələb edilir. Xatırladaq ki, Milli Televiziya və Radio Şurasının (MTRŞ) məlumatına əsasən, “Space” TV-də “Hər səhər” verilişində müğənni Rüfət Axundov mahnı oxuyarkən dəfələrlə qeyri-etik ifadələrdən istifadə edib. Kanalın efirində getmiş ədəbsiz söz və ifadələr Şura tərəfindən aparılan monitorinqlər zamanı aşkar olunub. MTRŞ aprelin 5-də kanal rəhbərliyinin iştirakı ilə İnzibati Xətalar Məcəlləsinə uyğun olaraq, 5-8 min manat cərimə olunmasına dair protokol tərtib edib. Həmçinin, televiziya və radio rəhbərlərinə şifahi xəbərdarlıq edilərək ki, R.Axundovun efirə çıxmasına məhdudiyyət qoyulub. Bundan sonra MTRŞ televiziya barədə İnzibati Xətalar Məcəlləsin 384.0.1-ci (televiziya və radio yayımı haqqında qanunvericiliyin pozulması, yetkinlik yaşına çatmayanların fiziki, əqli və mənəvi inkişafına ziyan vura bilən və kodsuz yayımlanan, o cümlədən, erotikanı və qəddarlığı əks etdirən proqramlar üçün müəyyən edilmiş xüsusi qaydaların pozulmasına) maddəsi ilə protokol tərtib edib və inzibati qaydada məhkəməyə müraciət edib.

Reyting.azскачать dle 10.5фильмы бесплатно




Bölməyə aid digər xəbərlər
13-05-2019, 00:11 "Eurovision-2019" başladı

{sape_links}{sape_article}