Bir müddət öncə mətbuatda adı ləğv olunmuş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin sabiq rəisi, hazırda həbsdə olan general-mayor Akif Çovdarovla hallanan müğənni Şəbnəm Əsədova (Tovuzlu) haqqında daha bir qalmaqallı məlumat yayılıb.

7news.az saytının məlumatına görə, Akif Çovdarovun iş adamı olan Famil adlı dostu ilə sevgili olan Şəbnəm Tovuzlu rayonlardan birinin icra başçısı ilə də gizli eşq həyatı yaşayırmış. Həmin icra başçısının əvvələr musiqiçi olduğu, toylarda sintezator ifaçısı kimi çıxış etdiyi də verilən məlumatlar sırasıdadır. İddiaya görə, Famil adlı şəxslə Şəbnəmin münasibətinin korlanmasına səbəb bu olub.

Bu arada müğənni Şəbnəm də məsələyə münasibət bildirib. O, Ölkə.az-a buiddianın əsassız olduğunu deyib: "Görün sifarişli yazılar yazan necə savadsızdır ki, hansısa icra başçısını keçmiş sintezator ifaçısı kimi qələmə verir. Xəbərin ən gülməli yeri məhz budur. Əgər əllərində fakt varsa, ad açıqlasınlar.

Kimsədən qorxum yoxdur. Və utanacaq heç bir hərəkət də etməmişəm. O, dırnaqarası jurnalisti Allaha tapşırıram. Müqəddəs Ramazan ayında şayiə yaymağın özü də bir günahdır”.