00:14 / 27-02-2024
Bu gün Su çərşənbəsidir
15:27 / 26-02-2024
SOCAR-da yeni təyinat olub 
Kəşfiyyat rəhbərlərinin görüşü planlaşdırılır
Tarix: 08-12-2023 18:34 | Bölmə: Xəbərlər
Kəşfiyyat rəhbərlərinin görüşü planlaşdırılır

ABŞ prezidenti Co Baydenin administrasiyası girovların 2024-cü il yanvarın 1-dək azad edilməsi üçün İsrail və HƏMAS-ın razılığa gələcəyinə ümid edir.

Reyting.az
xəbər verir ki, bu barədə “Politico” qəzeti adını çəkmədiyi rəsmilərə istinadla məlumat yayıb.

Qəzet xatırladır ki, Qəzza zolağında atəşkəsin pozulmasına baxmayaraq, Vaşinqton administrasiyası girovların azad edilməsinə və İsrailin anklavın cənubuna hücuma başlamazdan əvvəl humanitar fasilənin uzadılmasına nail olmağı planlaşdırırdı.

Bayden administrasiyası 2024-cü il yanvarın 1-dən əvvəl razılaşma əldə edə biləcəyinə ümid bəsləyir. ABŞ rəsmiləri bildiriblər ki, danışıqlar davam edir və HƏMAS girov qadınları azad etməyə razılaşarsa, vəziyyət yaxşılaşa bilər.

Nəşrin məlumatına görə, Ağ ev və ABŞ Dövlət Departamentinin rəsmiləri münaqişə tərəfləri arasında yeni razılığa nail olmaq üçün son bir həftə ərzində Qətər, Misir və İsraillə məsləhətləşmələr aparsalar da, heç bir uğur əldə olunmayıb.

Məlumata görə, ABŞ Mərkəzi Kəşfiyyat İdarəsinin direktoru Uilyam Börns İsrail və Misirin kəşfiyyat rəsmiləri, həmçinin Qətərin baş naziri və xarici işlər naziri Məhəmməd bin Abdel Rəhman Əl Tani ilə görüşmək üçün Dohaya getməyi planlaşdırır.

E. KAMAL




Bölməyə aid digər xəbərlər
{sape_links}{sape_article}