23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Oğru məmurlara qarşı sərt cəza; Korrupsiya hesabına qurulmuş “iqtisadi imperiya”lar süquta yaxınlaşır
Tarix: 17-12-2017 14:28 | Bölmə: Araşdırma / Slayd
Oğru məmurlara qarşı sərt cəza; Korrupsiya hesabına qurulmuş “iqtisadi imperiya”lar süquta yaxınlaşır

Vergilər naziri Fazil Məmmədovun vəzifədən çıxarılmasından sonra onun komandası ilə yanaşı, biznes obyektləri də mətbuatın mövzusuna çevrilib.

Məlumata görə, keçmiş nazirlər - Heydər Babayevin, Ziya Məmmədovun və Fazil Məmmədovun vəzifədən xaric olunmalarından sonra yaşananlar işdən kənarlaşdırılacaq digər şəxslərə qarşı da tətbiq olunacaq.

Reyting.az-ın əldə etdiyi məlumatda bildirilir ki, bizneslə məşğul olmaları qanunla qadağan edilən bir çox məmurların həm ölkə xaricində, həm də ölkədə topdağıtmaz mülkləri, böyük biznesləri var. Bu işlər üçün maliyyənin necə və hansı yolla əldə olunduğu isə çoxlarına bəllidir:

“Fazil Məmmədovun işdən çıxarılmasından qısa müddət keçməsinə baxmayaraq, de-fakto onun sahibi olduğu var-dövlətlər, gəlir sahələri mətbuata çıxarılıb. Onun doğma rayonundan başlanan proses, yəqin ki, qısa müddətdə paytaxta və xaricə qədər uzanacaq”.

Redaksiyamıza keçmiş nazirin korrupsiya şəbəkəsinin bir qolunun Şəmkir rayonunda olmasına işıq salacaq faktlar da göndərilib. Bildirilir ki, F. Məmmədovun yaxın adamlarının idarə etdiyi "Şəmkir Aqropark" Logistika Mərkəzi haqqında müxtəlif iddialar irəli sürən rayon sakinlərinin sözlərinə görə, icra başçısı Alimpaşa Məmmədovla keçmiş nazirin müşaviri işləmiş Qüdrət Seyfullayev əlbir olaraq "Şəmkir Aqropark"ın inşasından tutmuş fəaliyyətinə qədər bütün dövrləri əhatə edən iri maliyyə fırıldaqlarına və mənimsəmələrə yol veriblər:

“Bu adamlar soyuducu anbarları quran xarici şirkətin xidmət müqabilində razılaşdırılmış pulunu da hələ ödəməyiblər. Nəticədə kompleksin daxil olduğu offşor holdinq Avropa məhkəməsinə verilib”.

İddiaya görə, Qüdrət Seyfullayev "Şəmkir Aqropark"ın direktoru işlədiyi müddətdə müxtəlif adlar altında minlərlə ton meyvə-tərəvəz alınaraq qəsdən yararsız məhsul kimi silinib. Məqsəd ayrılan pulların yeyintisini ört-basdır etmək olub:

“Ölkə başçısını kompleksin açılış mərasiminə dəvət edən şirkətin rəhbəri Qüdrət Seyfullayev və Şəmkir rayonunun icra başçısı Alimpaşa Məmmədov ona yalan məlumat verməklə bir daha öz korrupsiya əməllərini ört-basdır ediblər”.

"Şəmkir Aqropark"da istehsal sahəsində baş verən bədbəxt hadisələrin ört-basdır edilməsində, milyonlarla manat vəsaitin mənimsənilməsində kompleksin digər rəhbər şəxslərinin də adı keçir.

Oğru məmurlara qarşı sərt cəza; Korrupsiya hesabına qurulmuş “iqtisadi imperiya”lar süquta yaxınlaşır

Qeyd edək ki, “Şəmkir Aqropark”da indiki rəhbəri Xaqani Qaybalıyev tərəfindən haqsız yerə işdən çıxarıldıqları iddia olunan şəmkirli qadınlar prezident İlham Əliyevə və birinci vitse-prezident Mehriban Əliyevaya ünvanladıqları şikayət məktubunda da yeni iddialar irəli sürüblər:

“Biz, "Şəmkir Aqropark" Logistika Mərkəzinin istehsalat sahəsində, istehsalat müdiri Vüqar İmranovun rəhbərliyi altında çalışmışıq. Prezident “Şəmkir Aqropark” Logistika Mərkəzinin açılışını etdikdən sonra yeni müdir Xaqani Qaybalıyev tərəfindən hamılıqla işdən çıxarılmışıq. 100 nəfərə qədər qadın işsiz qalmışıq (İşdən hansı səbəbdən uzaqlaşdırılmaları ilə bağlı cinayət tərkibli iddia irəli sürüblər. Bunu dəqiqləşdirə bimədiyimiz üçün qəzet səhifəsinə çıxarmadıq-red.). Bizim oradakı əmək şəraitimiz dözülməz olub. Gündə 12 saatdan artıq işlədilmişik. Vüqar İmranov bizi işdən qovmaqla hədələyərək zorla işləməyə məcbur edib.

Dəfələrlə qadınlar işdə xəsarət alıblar. Prezidentin gəlişinə hazırlıq görülərkən qadınları binanın dam örtüyünü təmizləmək üçün hündür dama çıxardan Vüqar İmranov qadınlardan bir neçəsinin ürəyi getdiyini və birinin də ayağı sındığını görüb bizi təhqir etməyə başladı. Bu işlərə göz yuman Şəlalə Mövlayevanın vəzifəsi bütün bu hadisələri ört-basdır etmək olub. Hətta işdən gec çıxdığı üçün qaranlıqda maşınla vurulan bir qadının sonrakı aqibəti də bunları maraqlandırmayıb. Bütün xəsarət alanlar gizli şəkildə Fazil Məmmədova məxsus olan Gəncə Beynəlxalq Xəstəxanasında şirkətin işçisi kimi deyil, digər şəxs kimi gizli müalicə olunublar. Bu zülmlərin qarşılığında şirkətə yeni təyin olunan müdir Xaqani Qaybalıyev bizi əsas olmadan işdən çıxarıb. Sizdən xahiş edirik, bizə kömək edin, bu haqsızlığa qarşı ədalətli tədbir görün”.

Qeyd edək ki, Fazil Məmmədov işdən çıxarıldığı gün Şəmkirin icra başçısının böyük sarsıntı keçirdiyini deyənlər də var. Həmin gün bir neçə dəfə onunla danışmağa cəhd edən icra başçısı buna nail olmadıqdan sonra köməkçisi ilə təmasa keçib. Bundan sonra İcra Hakimiyyətində “Narahat olmayın, Fazil müəllimə başqa yüksək vəzifə veriləcək. Köməkçisi ilə danışdım, o da təsdiqlədi”,- açıqlamasını verdiyi deyilir.

Oğru məmurlara qarşı sərt cəza; Korrupsiya hesabına qurulmuş “iqtisadi imperiya”lar süquta yaxınlaşır

Xatırladaq ki, “Reytinq”in ötən sayında, Fazil Məmmədovun “vurulması”nın Binəqədi rayonunun icra başçısı Xaləddin İsgəndərova, Gədəbəyin icra başçısı Ramiz Yediyarova, Şəmkirin başçısı Alimpaşa Məmmədova və digərlərinə problemlər yarandığı yazılıb. İddia olunur ki, bu icra başçıları müəyyən müddətdən sonra vəzifədən xaric ediləcəklər. Buna səbəb kimi, onların keçmiş nazirin komanda üzvü olmalarından daha çox, rayondakı özbaşınalıqları və digər qanunsuz davranışlarının əsas götürüləcəyi bildirilir.

Qeyd olunur ki, bir çox məmurlar kimi, hər üç icra başçısı da rayonda özlərini xalqın xidmətçisi yox, ağası kimi aparırlar: “Təsadüfi deyil ki, Şəmkirin icra başçısına rayonda “Polad Ələmdar” ləqəbini veriblər. Maraqlıdır ki, Şəmkirin qonşuluğunda yerləşən bəzi rayonların icra başçıları da Alimpaşa Məmmədovdan nümunə götürüblər. Məsələn, Qazaxın icra başçısı Rəcəb Babaşovun rayondakı bir tədbirə gedərkən, “CEEP”-ləri arxa-arxaya düzdürməsi, polisi yollara tökməsi və s. kimi mühafizə tədbirləri diqqətən kənarda qalmayıb. Keçmiş vergi əməkdaşı olan bu icra başçısının da özünü “dağ başına” qaldırması, əlbəttə, kasıb əyalət rayonunda qıcıq yaratmaya bilməz. Yəqin elə buna görədir ki, Rəcəb Babaşovun da tezliklə nüfuzunu itirmiş məmur kimi, vəzifədən kənarlaşdırılacağı proqnozlaşdırılır”.

Hətta iddia olunur ki, bundan sonra “vurulacaq” məmurların sərvəti də ciddi şəkildə təftiş olunacaq. Artıq bununla bağlı Prezident Administrasiyası səviyyəsində qərarın verildiyi bildirilir.

Reyting.az




Bölməyə aid digər xəbərlər
{sape_links}{sape_article}