Emin Əfəndiyev: “Yeni ssenarilər, layihələr barədə düşünürəm”

Xəbər lenti

00:17 / 16-12-2025

“Gizir Xanı”ya şəhidlik statusu verilib

00:16 / 16-12-2025

Zövqlər dəyişməyib: Asiyada çay, Avropada qəhvə

00:12 / 16-12-2025

Zakir Qaralova ağır itki üz verib

00:09 / 16-12-2025

Rəqəmsal ixracda hansı ölkələr liderdir? - Siyahı

00:06 / 16-12-2025

"Yüz ilin tənhalığı" serialının davamı çəkilib

00:03 / 16-12-2025

Türkiyənin də kosmodromu olacaq

23:29 / 15-12-2025

Anar Ələkbərov Ramiz Rövşənin qonağı olub

22:19 / 15-12-2025

General vəzifədən azad olunub

21:49 / 15-12-2025

Nazir: "Dövlət büdcəsinə bir uşaq 4 500 manata başa gəlir"

20:36 / 15-12-2025

Ukrayna-ABŞ danışıqları yekunlaşıb

19:28 / 15-12-2025

Gültəkin Hacıbəyli Türkiyədən deportasiya olunur

19:18 / 15-12-2025

Çindən Azərbaycana gətirilmiş şüşə fincanlarda ağır metallar aşkarlanıb

19:03 / 15-12-2025

Vüqar Əhməd saxlanılıb? - Açıqlama

18:15 / 15-12-2025

Yeni icra başçısı 23 illik müavini işdən çıxarıb

18:01 / 15-12-2025

Xəstədən pul tələb edən həkimlərə xəbərdarlıq olunub

17:51 / 15-12-2025

Sumqayıtda 19 yaşlı qız dəm qazından ölüb

17:18 / 15-12-2025

Ukrayna Almaniyada döyüş dronları istehsal edəcək

17:12 / 15-12-2025

Gəlin qayınanasını öldürüb - Yenilənib

16:48 / 15-12-2025

Karen Avanesyanın məhkəməsi keçirilir

16:30 / 15-12-2025

Azərbaycan Universitetində döşəmə çöküb, tələbə xəsarət alıb

16:18 / 15-12-2025

İcra başçısının oğluna general rütbəsi verilib

16:03 / 15-12-2025

"İmişli" ilə "Karvan-Yevlax" oyunu heç-heçə bitib

15:43 / 15-12-2025

Prezident FHN əməkdaşlarını təltif edib - Siyahı

15:31 / 15-12-2025

Şəxsiyyət vəsiqəsi, pasport və daha bir neçə iş üzrə yeni xidmət qaydaları hazırlanıb

15:26 / 15-12-2025

Hərbi ekspert: Cəbhədə döyüşlər, diplomatik təmaslarda isə imitasiya gedir

15:25 / 15-12-2025

Prezident İlham Əliyev amnistiya elan edib

15:20 / 15-12-2025

İlham Əliyev altı ölkə ilə viza ləğvi barədə sazişləri təsdiqləyib

15:11 / 15-12-2025

Azərbaycan və Qazaxıstan arasında üç saziş və bir memorandum təsdiqlənib

15:02 / 15-12-2025

Prezident yeni Təşkilat Komitəsi yaradıb - Sərəncam

14:41 / 15-12-2025

Yetirməmlə fəxr edirəm - Professor yazır

Xəbər lentinin davamı

Ən çox oxunanlar

16:35 / 11-12-2025

“Qarabağ” üçün həyəcan siqnalı: pley-off şansı əldən çıxır?

14:56 / 11-12-2025

Gömrük Komitəsinin vəzifəli şəxsləri həbs edilib - (Yenilənib)

14:51 / 12-12-2025

Ağdərə rayonuna növbəti köç karvanı gedib - (Yenilənib) - Fotolar

18:20 / 14-12-2025

Pənah Hüseyn sədr vəzifəsindən istefa verib - Fotolar

14:17 / 15-12-2025

Prezident ali hərbi və ali xüsusi rütbələr verib - Siyahı

18:28 / 11-12-2025

Gələn ilin qeyri-iş günləri elan edilib - Siyahı

17:29 / 12-12-2025

Çinə qarşı yeni koalisiya formalaşdırılır

11:26 / 13-12-2025

NATO ölkələri Rusiya vilayətinin ilhaq planını hazırlayıb

00:20 / 12-12-2025

İlham Əliyev Ümummilli Liderin anım günü ilə bağlı paylaşım edib - Foto

15:25 / 15-12-2025

Prezident İlham Əliyev amnistiya elan edib

14:07 / 12-12-2025

Tramp: Ukrayna münaqişəsi III Dünya Müharibəsinə səbəb ola bilər

15:02 / 15-12-2025

Prezident yeni Təşkilat Komitəsi yaradıb - Sərəncam

Emin Əfəndiyev: “Yeni ssenarilər, layihələr barədə düşünürəm” - Müsahibə
Tarix: 12-08-2024 11:00 | Bölmə: Müsahibə / Slayd

Şirift ölçüsü:

“Tənha insanın monoloqu”nun ssenari müəllifi və rejissoru deyir ki, kinomuzu yaşatmaq və irəli aparmaq üçün film istehsalını artırmalı və onun bazarını düşünməliyik

Mədəniyyət Nazirliyinin tabeliyindəki Kino Agentliyi bir neçə illik fasilədən sonra gözəl bir ənənəni yenidən bərpa etdi. Kino günündə yeni istehsal olunan filmin premyerasını keçirdi. Bayram tədbirinin sonunda təqdim edilən “Tənha insanın monoloqu” qısametrajlı bədii filmini tamaşaçılar maraqla qarşıladı.

Doqquz günə sığan monoloq

“Tənha insanın monoloqu”nun ssenari müəllifi və rejissoru Emin Əfəndiyev gənc, istedadına ümid bəslənilən kinematoqrafçılardan sayılır. 2005-2009-cu illərdə Mədəniyyət və İncəsənət Universitetində Xalq artisti Yalçın Əfəndiyevin kursunda təhsil alıb. Xalq artisti Rüstəm İbrahimbəyovun Kino Məktəbini bitirib. Olver Stone, Nikita Mixalkov, Məcid Məcidi, Kişiştov Zanussi kimi dünya şöhrətli rejissorların ustad dərslərində iştirak edib. “Start” Beynəlxalq Tələbə Filmləri Festivalının qalibi, Beynəlxalq Audio-Vizual Festivalının isə mükafatçısı olub. 2016-cı ildə çəkdiyi “Hədiyyə” qısametrajlı bədii filmi “Azərbaycan ailəsi” film festivalında “Ən yaxşı bədii film” nominasiyası üzrə qalib elan edilib.

Emin Əfəndiyev Reyting.az-a müsahibəsində deyib ki, milli kinomuzun inkişafını gənc kinematoqrafçılara şəraitin yaradılmasında görür və daha çox film istehsal etmək üçün normal mühit formalaşdırmağı vacib sayır.

- Emin bəy, “Tənha insanın monoloqu” niyə və necə yarandı?

- Müharibənin dəhşətlərini, iztirablarını görmüş bir ailənin yaşantılarını, bu ağrı-acının fonunda ata-oğul münasibətlərini ekranda göstərmək istəyirdim. Çünki ata-oğul münasibətləri son vaxtlar mənim danışmaq istədiyim mövzu idi. Bu istəklə də yola çıxaraq iki il öncə ssenari yazdım. Bir neçə ay sadəcə, ideya axtarışında idim, uğur və qalibiyyət haqqında analizlər aparırdım. Düşüncələrim məni orta məktəb illərinə apardı.

Yeri gəlmişkən, idman təmayüllü məktəbdə oxumuşam, 10 il cüdo ilə peşəkar səviyyədə məşğul olmuşam. Müəllimimin sözləri heç vaxt yadımdan çıxmır, o, bir vaxtlar uduzduğumuz rəqiblə yenidən qarşılaşanda məğlubiyyəti unutmağı tələb edirdi. Deyirdi ki, soyuq başla güləş, sən yeni formadasan. Müəllimimin sözləri yadıma düşdü və mən “Qələbəyə gedən yol köhnə travmalara qalib gəlməkdən başlayır”,- ideyası ilə ssenarini yazdım.

Ekran işi Birinci Qarabağ savaşında vuruşaraq əsir düşən, sağlamlığını itirib ömürlük yataq xəstəsi olan Ata və ona qulluq edən Oğul, onların arasında formalaşan münasibətlərdən bəhs edir. Filmdən məlum olduğu kimi, sonda oğul yerimək və danışmaq imkanından məhrum olmuş atasını qocalar evinə verərək döyüşmək üçün müharibəyə getmək qərarına gəlir. İstəyirdim ki, tamaşaçı filmdə müharibənin özünü yox, onun ailələrə gətirdiyi fəlakəti, vurduğu yaraları görsün, hər kadrda bunu hiss etsin.

Film necə yarandı, - sualına gəlincə, mən daha çox kamera filmləri çəkməyə üstünlük verdiyimdən “Tənha insanın monoloqu”nda da dəsti-xəttimə sadiq qalmaq istədim. Həm də fikirləşirdim ki, dövlət vəsaiti ayrılmasa filmi öz gücümə, sponsor tapmaq hesabına da olsa ərsəyə gətirə bilim. Çünki əvvəlki illərdə iki müxtəlif layihəm bəyənilsə də məndən asılı olmayan səbəblər üzündən həmin filmlərin heç biri istehsalata buraxılmamışdı. “Tənha insanın monoloqu”nun da oxşar aqibətlə üzləyə biləcəyindən narahat idim və vurğuladığım kimi, sponsor axtarışında idim. Belə bir vaxtda Azərbaycan Respublikası Kino Agentliyində (ARKA) ssenarim bəyənildi və “Şahdağfilm”də film istehsalata buraxıldı.

Əvvəllər müxtəlif layihələrə birgə çalışdığım istedadlı və peşəkar gənc komanda ilə - operator Daniel Quliyev, rəssam Arif Niftiyev, bəstəkar Azər Hacıəsgərli və prodüser Sərvər Bayramovla filmin çəkilişləri üzərində işləməyə başladıq. Bu komandanın hər bir üzvünün zövqünə və bacarığına inanaraq yola çıxmışdım.

Operatorumuz Daniel Quliyev öz duyumu olan, Almaniyada nüfuzlu kinofestivalda mükafat qazanan bir gəncdir. Arif Niftiyev son illər daha çox televiziya layihələrində məşğul olsa da, onunla kinoda əvvəlki birgə işlərimizə güvənib əminliklə deyirəm ki, o, kinomuz üçün çox faydalı ola biləcək rəssamdır. Bəstəkar Azər Hacıəsgərli son illər həm teatr tamaşalarına, həm də filmlərə maraqlı musiqilər yazıb.

Filmimizin bütün epizodları naturada çəkilməli idi, uyğun məkan tapmaq üçün Şamaxı və Qəbələ də daxil olmaqla bir neçə rayonda axtarışlar apardıq. Qubanın Soxlukələ kəndində gördüyümüz məkan ssenariyə daha uyğun olduğu üçün çəkilişləri də orada aparmalı olduq.

- Qalırdı filmdə rola çəkiləcək iki aktyoru tapmaq... Kastinqə dəvət olunan çox oldu?

- Yox. Ata roluna çəkilən Mahir Dərvişi əvvəldən də tanıyırdım, dəvət edəndə bir daha əmin oldum ki, bu obraz sanki onun boyuna biçilib. Təkcə mənim yox, peşəkar kino tənqidçilərinin, kino zövqü olan tamaşaçıların rəyinə görə Mahir Dərvişin ifasında rol gözəl alınıb.

Oğul roluna isə əslində tamam başqa bir aktyoru çəkmək istəyirdim, amma həmin ərəfədə o, başqa bir layihədə məşğul olduğundan fikrimi dəyişərək seçimimi “YUĞ” Dövlət Teatrının gənc aktyoru Elşən Əsgərovun üzərində saxladım. Elşənlə ilk birgə işimiz idi. Film tam hazır olandan sonra Oğul obrazına Elşəni çəkmək qərarımın doğruluğuna bir daha inandım. Nə yaxşı ki, Elşən Əsgərov kimi istedadlı, öz işinə çox peşəkar yanaşan bir gənc aktyoru tanımışam.

Ssenari müəllifi və rejissor kimi əminliklə deyə bilərəm ki, “Tənha insanın monoloqu” əsl aktyor filmidir.

- Bildiyim qədəri ilə film cəmi 9 günə çəkilib...

- Vaxtımız həqiqətən az idi, çünki ARKA-nın rəhbərliyi çox istəyirdi ki, biz filmi Milli Kino Gününə qədər hazır edə bilək və bayram tədbirində film göstərilsin. Biz də 9 günə natura çəkilişlərini bitirdik, sonrakı qısa müddətdə də səsləndirmə, montaj və digər texniki işləri başa çatdırmağı bacardıq.

- İndi yəqin ki, rahat nəfəs alıb yeni ssenarilər, növbəti filmlər barədə plan cızmaq olar...

- Yeni ssenarilər, layihələr barədə düşünürəm təbii ki. Bu, yaradıcılıqla ciddi məşğul olmaq istəyən bir insan üçün normal haldır. Amma indi daha çox düşüncə və planlarım “Tənha insanın monoloqu” ilə bağlıdır.

- Axı film təhvil verildi, tamaşaçılara da təqdim olundu...

- Düzdür, film tamaşaçılara təqdim edildi, amma sıravi tamaşaçıların hiss edə bilməyəcəyi bir incəliyi qeyd edim. Bizim filmin tam versiyasının xronometrajı 51 dəqiqədir, Milli Kino Günü ilə bağlı tədbirin sonunda “Tənha insanın monoloqu”nun qısaldılmış versiyası göstərildi. İnanıram ki, yaxın vaxtlarda filmin tam versiyasının, yəni rejissor versiyasının təqdimatı olacaq.

Ssenari müəllifi və rejissor kimi filmin tam versiyasının təqdimatını maraqla gözləyirəm. Yəqin ki, payıza doğru bu məsələ həllini tapacaq.

Hazırda filmimizin ingilis dilində subtitrlərinin hazırlanması üzərində çalışıram, çox istəyirəm ki, “Tənha insanın monoloqu”nu xarici ölkələrdə, beynəlxalq festivallarda nümayişinə nail olum.

- Bu gün bəziləri Azərbaycan kinosunun inkişaf etdiyini deyir, bu fikri inkar edən, milli kinomuzun öldüyünü deyənlər də var. Cəbhənin hansı tərəfi haqlıdır?

- Şəxsən mən heç bir cəbhələşmə meylləri görmürəm. Əgər Azərbaycan kinosunun yaşamasını, inkişafını və dünyaya çıxmasını təkcə sözdə deyil, əməldə də istəyiriksə istedadlı gənclərə normal şərait yaratmalı, öz yaradıcılıq potensiallarını realizə etmək üçün onlara geniş meydan verməliyik. Təcrübəli, yaşlı kino xadimlərinin çəkdikləri filmlər, elədikləri göz önündədir. İndi gənclərə inanmağın əsl zamanıdır.

Kinomuzu yaşatmaq və irəli daşımaq üçün film istehsalını artırmalı və onun bazarını düşünməliyik. Bu işlər paralel və ağıllı şəkildə aparılmalıdır. Film çəkilmirsə, prokat da olmayacaq.

Daha bir vacib detal tamaşaçı məsələsidir. Yəni biz dəqiq bilməliyik ki, Azərbaycan tamaşaçısı bu gün nəyə baxmaq istəyir?

Təkcə Bakı ilə iş bitmir, bu gün bilməliyik ki, Naxçıvanda, Gəncədə, Lənkəranda, Zaqatalada, Şamaxıda, Qusarda yaşayan tamaşaçıların marağı hansı mövzuyadır. Lazımdırsa qapı-qapı gəzib tamaşaçının fikrini öyrənməliyik.

Bu gün filmlərimizin dünyaya çıxmasının vacibliyindən, festivallarda göstərilməsindən çox danışılır. Dünyada festival həddindən artıq çoxdur, axtarıb-tapmaq, hansınasa film göndərmək çətin iş deyil. Əsas odur ki, film çəkəsən.

Etibar CƏBRAYILOĞLU

Ana səhifəyə dön