Gənc xanəndə: “Məcnun kimi səhnəyə çıxmaq ən böyük arzularımdan biri olub”

Xəbər lenti

20:02 / 15-09-2025

Payız “Ulduz”u görüşünüzə gəlib - Foto

19:24 / 15-09-2025

Xalq artistinin nəşi Azərbaycana gətiriləcək

18:04 / 15-09-2025

İlham Əliyev Türkiyə Silahlı Qüvvələrinin Baş Qərargah rəisini qəbul edib

18:00 / 15-09-2025

Şuşada külli miqdarda silah-sursat aşkarlanıb

17:51 / 15-09-2025

Bakıda və rayonlarda leysan yağacaq - Xəbərdarlıq

17:49 / 15-09-2025

"Benfika"nın baş məşqçisi: "Qarabağ"la matçda 3 xal qazanmağı hədəfləyirik"

17:37 / 15-09-2025

Rusiyadan Ermənistana qaz tədarükü dayandırılacaq

17:30 / 15-09-2025

Azərbaycan INFE-yə tamhüquqlu üzv olub

17:20 / 15-09-2025

"Qarabağ" və "Neftçi"nin oyunlarını FIFA referiləri idarə edəcək

16:57 / 15-09-2025

İş adamı Vüsal Abbasov həbs edilib

16:52 / 15-09-2025

İcra başçısının sabiq müavini dələduzluqda ittiham olunur

16:39 / 15-09-2025

Mərkəzi Bank üç kredit ittifaqına icrası məcburi göstəriş verib

16:09 / 15-09-2025

İlham Əliyev ICESCO-nun Baş direktorunu təltif edib - (Yenilənib)

15:58 / 15-09-2025

Əli Əsədov sərəncam imzalayıb

15:55 / 15-09-2025

İlham Əliyev ICESCO-nun Baş direktorunu qəbul edib - Yenilənib

15:27 / 15-09-2025

Prezident Qarabağda dörd kəndin sakinləri ilə görüşüb - Yenilənib

15:11 / 15-09-2025

Kəlbəcərə köç karvanı gedib - (Yenilənib)

15:07 / 15-09-2025

Ruslar daha bir yaşayış məntəqəsini işğal edib

15:00 / 15-09-2025

Həkim Azər Maqsudovun məhkəməsi qapalı keçiriləcək

14:54 / 15-09-2025

70 yaşlı müğənni: "Xalq artisti adı istəyirəm"

14:44 / 15-09-2025

Nazirliyin Aparat rəhbəri vəzifədən azad olunub

14:36 / 15-09-2025

Rusiyanın NATO sərhədlərini pozmasına səbəb nədir?

14:18 / 15-09-2025

Zeynəb Xanlarovanın nəvəsinin toyu olacaq

13:58 / 15-09-2025

Keyt Kelloq: Rusiya müharibəni uduzur

13:49 / 15-09-2025

Qərbi Azərbaycan İcması "Qərbi Azərbaycan TV" ilə bağlı məlumat yayıb

13:48 / 15-09-2025

Rusiya sərgi tankını cəbhə xəttinə göndərir

13:38 / 15-09-2025

Prezident Ərdoğan Qətərə gedib

13:13 / 15-09-2025

Masazırda 57 yaşlı kişini "tok" vurub

13:03 / 15-09-2025

Zakir Həsənov Bakıda Türkiyə Baş Qərargah rəisini qəbul edib

13:02 / 15-09-2025

Qarabağda ermənilərin gizli silah anbarları var

Xəbər lentinin davamı

Ən çox oxunanlar

06:10 / 11-09-2025

Qarabağa növbəti köç karvanları gedib - (Yenilənib)

13:31 / 11-09-2025

Professor: Hər iki ölkədə sülhə qarşı çıxanlar var

22:57 / 14-09-2025

Xankəndidə terrora cəhd edən erməni saxlanılıb, yaralı var - Video - Yenilənib

20:48 / 13-09-2025

Deputat 120 şagirdə məktəb ləvazimatları verib - Fotolar

21:32 / 10-09-2025

"Neftçi" Ramil Şeydayevlə yollarını ayırıb

15:14 / 12-09-2025

Qarabağa daha iki köç karvanı gedib - (Yenilənib)

18:29 / 12-09-2025

Külək Yasamalda yaşayış binasında təhlükəli vəziyyət yaradıb - Video

09:46 / 11-09-2025

Marsda həyat izləri aşkar ediblər

10:50 / 12-09-2025

Zülfüqarov: Regiondankənar qüvvələr Ermənistana təzyiqlər göstərirlər

18:40 / 14-09-2025

İlham Əliyev Qırmızı Bazar, Hadrut qəsəbələri və Sos kəndinin sakinləri ilə görüşüb - (Yenilənib) - Fotolar

23:44 / 12-09-2025

Aİ Rusiyaya qarşı sanksiyaların müddətini uzadıb

10:33 / 11-09-2025

Sabah daha 4 itkin-şəhidimiz dəfn olunacaq - Siyahı

Gənc xanəndə: “Məcnun kimi səhnəyə çıxmaq ən böyük arzularımdan biri olub” - Müsahibə
Tarix: 22-07-2024 09:58 | Bölmə: Müsahibə / Slayd

Şirift ölçüsü:

Mirəli Sarızadə: “Gənc yaşımda arzum həyata keçdi, inşallah, yeni mövsümdə teatrımızın səhnəsində də Məcnun obrazı ilə tamaşaçılar qarşısına çıxacam”

Mirəli Sarızadə istedadı və çalışqanlığı sayəsində atasının, müəlliminin ümidlərini doğrultdu, ustadlarından öyrəndikləri onu addım-addım uğura apardı. Bu gün gənc xanəndənin səsi beynəlxalq festivallardan, opera səhnəsindən, el şənliklərindən gəlir. Ona uzaq Argentinada, Paraqvayda muğamlarımızı səsləndirmək xoşbəxtliyi nəsib olub. Mirəli Sarızadə həyatda ən böyük arzularından birinə çatıb-dahi Üzeyir Hacıbəylinin ölməz “Leyli və Məcnun” operasında Məcnun obrazında səhnəyə çıxıb.

Reyting.az-ın müsahibi ötən il keçirilən Muğam Müsabiqəsinin qalibi, VI Beynəlxalq Muğam Müsabiqəsində birincilik əldə edən, Akademik Opera və Balet Teatrının solisti, gənc xanəndə Mirəli Sarızadədir.

- Diqqətli oxucular bu detala xüsusi fikir verəcək yəqin, gənc olmağına baxmayaraq artıq sənətdə ciddi sayıla biləcək uğur qazana bilmisən...

- Əldə etdiyi ilə öyünmək və ya arxayınlaşmaq mənə yaraşmaz. Əgər bu günə kimi sənət aləmində nəsə etmişəmsə bunu böyük Yaradanın lütfü kimi qəbul edirəm. Xanəndə kimi yetişməyimdə müəllimlərimin, ustad hesab etdiyim sənətkarların danılmaz əməyi var, mən onların əziyyətini heç zaman unuda bilmərəm. Bu gün səhnədə, el şənliyində qazandığım hər alqışda onların payı var. Onların haqqını unutmaq olmaz. Necə deyərlər, ustadına kəm baxanın gözlərinə qan damar...

Beyləqanın Əlinəzərli kəndindən Bakıya gələndə 11 yaşım var idi. Atamın istəyi ilə gəldim paytaxta, çünki özünün gözəl, zilxan səsi olmasına baxmayaraq sənətlə ciddi məşğul olmamışdı. Atam çox kiçik yaşlarından valideynlərini itirdiyindən dayısının himayəsində böyüyüb. Kasıblıq, ailə qayğıları ona musiqi təhsili almağa, müğənni olmağa imkan verməyib. Ona görə də çox istəyirdi ki, mən xanəndə kimi uğur qazanım, onun yarımçıq qalmış arzularını həyata keçirim. Rayonumuzda şair kimi tanınan Qəhrəman müəllim də musiqi təhsili almağımın vacibliyi barədə məni inandırmağa çalışırdı...

Allah qarşıma xeyirxah və gözəl pedaqoqlar çıxardı, musiqi təhsili almağımda, səhnəyə çıxmağımda, müsabiqələrdə laureat olmağımda belə insanların əməyi, məsləhəti çoxdur. Bakıda ilk dəfə məni dinləyən və məsləhətlərini verən xalqımızın böyük sənətkarı, ustad kimi qəbul olunan Xalq artisti Mənsum İbrahimov oldu. Mənsum müəllimin məsləhəti ilə dəyərli xanəndəmiz, Əməkdar artist Təyyar Bayramovun yanına getdim, belə bir gözəl insan və pedaqoqla tanışlığım həyatımı yaxşı mənada dəyişdi. Təyyar müəllim mənə həm Bakı Humanitar Kollecində, həm də Milli Konservatoriyada dərs dedi. 16 ildir ki, hər gün Təyyar Bayramovdan öyrənirəm, bu illər ərzində əmin olmuşam ki, sənətkar kimi də, pedaqoq kimi də Təyyar müəllim çox dəyərli insandır. Belə bir sənətkarın tələbəsi olmağımla fəxr edirəm.

- Tamaşaçı auditoriyası, geniş mənada götürsək, sənət aləmi səni Milli Muğam Müsabiqəsindən tanıdı...

- Tək mən yox, bir çox gənclər öz istedadlarını Milli Muğam Müsabiqəsində göstərə bildilər və sənət aləmində tanınmağa başladılar. Fürsətdən istifadə edib Birinci vitse-prezident Mehriban xanım Əliyevanın rəhbərlik etdiyi Heydər Əliyev Fonduna, Mədəniyyət Nazirliyinə, Elm və Təhsil Nazirliyinə, bizim Milli Konservatoriyaya təşəkkür edirəm ki, biz gənclərə belə bir imkan yaradırlar. Bu müsabiqə milli musiqimizin, muğamlarımızın yaşadılması, təbliğ olunması baxımından çox mühüm bir layihədir. Bu müsabiqədə iştirak edən, qalib seçilən gənclərin bəziləri bu gün sənətdə tanınır, beynəlxalq tədbirlərdə iştirak edir. Onların arasında dövlətimizin fəxri adlarına layiq görülənlər də var. Bu bir daha onu göstərir ki, Milli Muğam Müsabiqəsində seçimlər, verilən qiymətlər obyektiv və doğru olur.

Özümün bu müsabiqədə iştirakıma gəlincə, ustadım Təyyar müəllimin təklifi ilə ilk dəfə Milli Muğam Müsabiqəsinə 2017-ci ildə qoşuldum və on həftə davam edən bu televiziya yarışmasının diplomantı oldum.

- Ötən ilki müsabiqədə daha iddialı görünürdün və sonda qalib elan olundun...

- 7 il öncə yaşımın elə dövrü idi ki, səsim hələ tam formada deyildi, həm də bu dəfə belə ciddi yarışma üçün xeyli təcrübə toplamışdım. Ustad sənətkarlardan ibarət münsiflər heyətinə, ekrandan bizi izləyən tələbkar tamaşaçılara bir daha öz təşəkkürlərimi yetirmək istəyirəm.

Milli Muğam Müsabiqəsi sənət yoluma yaşıl işıq yandırdı sanki. Bakıda keçirilən VI Beynəlxalq Muğam Müsabiqəsində Azərbaycan muğamını təmsil etmək şərəfinə nail oldum və Allaha şükürlər olsun ki, mənə bəslənən etimadı doğrultdum və müxtəlif ölkələrdən muğam ifaçılarının da iştirak etdiyi bu beynəlxalq sənət yarışmasının da qalibi seçildim. Bizim nəhəng, klassik xanəndələrimiz, bu gün müasirlərimiz olan ustad sənətkarlar öz səsləri, ifaları ilə Azərbaycan muğamını hər zaman zirvələrə ucaldıblar. Beynəlxalq müsabiqələrin qalibi seçilən belə ustadların açdığı cığırla irəli getmək, necə deyərlər, muğamın bayrağını yenidən zirvələrə daşımaq böyük məsuliyyət və şərəf idi. Bunu bacardığım üçün xoşbəxtəm.

- Şərqin ilk operasında - “Leyli və Məcnun”da Məcnun obrazında debüt etdin. Opera səhnəmizin ən yeni Məcnunu sayılırsan. Bu məsuliyyətli rolla bağlı təklif kimdən gəldi?

- Bayaq Milli Muğam Müsabiqəsinin sənət yoluma sanki bir yaşıl işıq yandırması fikrini təsadüfən demədim. Yarışmanın qalibi olandan sonra muğam müsabiqəsində də uğur qazanan Xəyal Hüseynov, Fuad Əlizadə, Məhəbbət Səfərovla birlikdə bütün xanəndələr üçün əsl sənət məbədi hesab edilən Azərbaycan Dövlət Akademik Opera və Balet Teatrına dəvət aldım. Teatrın baş rejissoru, Əməkdar incəsənət xadimi Hafiz Quliyev və görkəmli sənətkarımız, gənclərə daim arxa-dayaq duran Xalq artisti Mənsum İbrahimov ifalarımıza bir daha qulaq asdılar. Məhz onların məsləhəti ilə teatrın truppasına solist kimi qəbul edildik. Bu məsələdə Akademik Opera və Balet Teatrının direktoru, Xalq artisti, dünyanın ən məşhur opera səhnələrində uğurlar qazanmış Yusif Eyvazovun biz gənclərə göstərdiyi diqqət və qayğını da xüsusi qeyd etmək istəyirəm.

Milli Muğam Müsabiqəsindəki çıxışlarımızdan sonra opera teatrında işə qəbul olunanda məlum oldu ki, bizi Məcnun roluna hazırlayırlar. Bu da bizim həm həyəcanımızı, həm də məsuliyyətimizi artırırdı. Mən teatrda “Leyli və Məcnun”da Şeyx, “Şah İsmayıl”da Zəvvar rollarında səhnəyə çıxanda da özümü Məcnuna hazırlayırdım. Sənət yoldaşım Xəyal Hüseynov Məcnun obrazında çıxış edəndə mənə Şeyx rolu həvalə olunmuşdu. Tamaşadan bildiyiniz kimi, Şeyx epizodik roldur, səhnədə cəmi bir neçə dəqiqə görünür. Amma mən çıxışımı bitirəndən sonra kulisdən Xəyalın ifasını, mizan və hərəkətlərini diqqətlə izləyib yadda saxlamağa çalışırdım ki, özüm Məcnun rolunda səhnəyə çıxanda istifadə edim.

- ...və həmin tarixi an yetişdi...

- Həmin günü, anı ərsəyə gətirmək üçün təkcə oturub gözləmədim, tamaşanın quruluşçu rejissoru Hafiz Quliyevlə, tərəf-müqabilim, gənc olmasına baxmayaraq artıq Leyli obrazında dəfələrlə səhnəyə çıxan, Əməkdar artist Arzu Əliyeva, gözəl tarzən Əməkdar artist Elxan Mansurovla təxminən bir il məşq etdik. Böyük səbirlə mənimlə çalışdılar, ürək genişliyi göstərdilər. Mən bu insanların zəhmətini heç vaxt unuda bilmərəm.

İlk dəfə Məcnun obrazında səhnəyə çıxacağım gün yaxınlaşdıqca həyəcanım, narahatlığım artırdı. Teatrımız təmirə bağlandığına görə tamaşanı Bakı Musiqi Akademiyasının Opera Studiyasının səhnəsində oynadıq. Teatr rəhbərliyi, ustadlarım, dəyərli tamaşaçılar mənim ifamda Məcnunu, Arzu xanımın ifasında Leylini yaxşı qarşıladılar, xoş sözlər dedilər. Allahıma minnətdaram ki, həyatda ən böyük arzularımdan birinə çatmağı mənə nəsib elədi. Oxucular yəqin keçirdiyim hissləri anlayışla qarşılayar, Məcnun kimi səhnəyə çıxmaq ən böyük arzularımdan biri olub. Tələbəlik illərində teatra gedib ustadlarımızın oyununa baxanda həmişə fikirləşirdim ki, görəsən mənə də belə bir gün nəsib olacaq?

Gənc yaşımda arzum həyata keçdi, inşallah, təmir başa çatandan sonra yeni mövsümdə teatrımızın səhnəsində də Məcnun obrazı ilə tamaşaçılar qarşısına çıxacam. Mənə inanan, inkişafıma şərait yaradan, sənət yollarında irəli getmək üçün dəyərli məsləhət verən teatrımızın direktoru Yusif Eyvazova, baş rejissorumuz Hafiz Quliyevə, müəllimlərimə sonsuz təşəkkürlər edirəm.

Bu gün Akademik Opera və Balet Teatrında biz gənclərə üçün hər cür şərait yaradılıb. Təsəvvür edin ki, teatra yeni qəbul olunan solist olaraq mənə uzaq Argentinada, Paraqvayda Azərbaycan mədəniyyətini təbliğ etmək, muğamlarımızı orda səsləndirmək şansı verilib. Yeri gəlmişkən, Paraqvayın Asunsion şəhərində ilk dəfə muğam ifa etmək mənə nəsib oldu.

- Arzudan arzu doğur deyirlər. Məcnun kimi səhnəyə çıxmaq xəyalın gerçəkləşdi. İndi hansı arzun var?

- “Şah İsmayıl” operasında Şah İsmayıl rolunu ifa etmək istəyirəm və bununla bağlı ustadım Təyyar Bayramovla məşqlər edirik. Təyyar müəllim illərdir ki, teatrda bu obrazı çox gözəl ifa edir, məndə bu rola sevgini də Təyyar müəllim yaradıb. Onun çıxışlarına baxandan sonra məndə də belə bir istək oldu. Ümid edirəm ki, bu arzum da həyata keçər, inşallah.