14:25 / 22-10-2017
Baş konsulluğa hücum olub
Dövlət Neft Fondunun xərcləri artıb - Məbləğ
Tarix: 05-10-2017 17:14 | Bölmə: İqtisadiyyat
Dövlət Neft Fondunun xərcləri artıb

Azərbaycan Respublikası Prezidentinin 4 oktyabr 2017-ci il tarixli Fərmanı ilə Dövlət Neft Fondunun 2017-ci il büdcəsinə dəyişikliklər edilib.

Dövlət Neft Fondundan Reyting.az-a verilən məlumata görə, müvafiq Fərmana uyğun olaraq 2017-ci il büdcə gəlirlərini və xərclərini dəqiqləşdirmək məqsədilə Neft Fondunun 2017-ci il büdcəsində Azərbaycan Respublikasının payına düşən karbohidrogenlərin satışından əldə edilən xalis gəlirlər 7 550 705,3 min manatdan 9 826 212,0 min manata qədər, karbohidrogen ehtiyatlarının işlənməsi ilə əlaqədar sərmayəçilər tərəfindən müqavilə sahəsindən istifadə üçün ödənilən akrhesabı ödənişlər 3 465,0 min manatdan 3 605,5 min manata, neftin və qazın Azərbaycan Respublikasının ərazisi ilə ötürülməsindən əldə edilən gəlirlər 16 830,0 min manatdan 17 688,5 min manata, valyuta aktivlərinin yerləşdirilməsindən və idarə olunmasından əldə edilən gəlirlər 799 094,6 min manatdan 963 948,0 min manata, neft-qaz sazişlərinin imzalanması və icrası ilə bağlı sərmayəçilər tərəfindən ödənilən bonus gəlirləri 495,0 min manatdan 2 407,6 min manata qədər və Fondun 2017-ci il üzrə büdcə gəlirlərinin ümumi həcmi 8 370 589,9 min manatdan 10 813 861,6 min manata qədər artırılıb.

Neft Fondunun məlumatında qeyd edilir ki, 2017-ci il üçün büdcə xərclərinin ümumi həcmi 14 483 856,0 min manatdan 15 242 928,0 min manata qədər yüksəlib.

Fərmana əsasən Azərbaycan Respublikasının 2017-ci il dövlət büdcəsində qaçqınların və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin maliyyələşdirilməsi ilə bağlı xərc maddəsi 90 000,0 min manatdan 105 000,0 min manata qədər artırılıb və Fondun 2017-ci il büdcəsinə Türkiyə Respublikasında “STAR” neft emalı kompleksinin tikintisi layihəsində Azərbaycan Respublikasının iştirak payının maliyyələşdirilməsi ilə bağlı 744 072,0 min manat məbləğində xərc maddəsi əlavə edilib.



230 dəfə oxunub.

Bölməyə aid digər xəbərlər