14:50 / 28-02-2024
Lavrov Türkiyəyə gedir
Yevlaxda ağır qəza: 7 nəfər xəsarət alıb - Yenilənib
Tarix: 12-02-2024 19:01 | Bölmə: Cəmiyyət
Yevlaxda ağır qəza: 7 nəfər xəsarət alıb

Yevlax rayonunda 2-si uşaq olmaqla 7 nəfər avtomobil qəzasında xəsarət alıb.

Məlumata görə, hadisə rayonun Qoyunbinəsi kəndində qeydə alınıb.

Yol-nəqliyyat hadisəsi zamanı xəsarət alanlar xəstəxanaya çatdırılıb(Report).

Faktla bağlı araşdırma aparılır.

***

Fövqəladə Hallar Nazirliyinin “112” qaynar telefon xəttinə Yevlax rayonu, Qoyunbinəsi kəndi ərazisində yol-nəqliyyat qəzasının baş verməsi və vətəndaşların avtomobildə sıxılı vəziyyətdə qalması barədə məlumat daxil olub.

Reyting.az
xəbər verir ki, məlumatla əlaqədar hadisə yerinə dərhal FHN-in Aran Regional Mərkəzinin xilasediciləri cəlb edilib.

Hadisə yerində əməliyyat şəraiti qiymətləndirilərkən “Mercedes” markalı iki minik avtomobilinin toqquşması nəticəsində yol-qəza hadisəsi baş verdiyi və vətəndaşların avtomobillərdə köməksiz vəziyyətdə qaldığı müəyyən olunub.

Xilasedicilər tərəfindən xüsusi vasitələrin köməyi ilə avtomobillərdə köməksiz vəziyyətdə qalan vətəndaşlar 1953-cü il təvəllüdlü Məmmədova Rahilə Qoç qızı, 1978-ci il təvəllüdlü Qənbərov Çingiz Aslan oğlu, 1987-ci il təvəllüdlü Səfərova Nərmin Abbas qızı, 1988-ci il təvəllüdlü Rəhimov Qurban Elşad oğlu, 2013-cü il təvəllüdlü Rəhimzadə Nurgül Qurban qızı, 2015-ci il təvəllüdlü Rəhimli Əli Qurban oğluna xilas edilərək təcili tibbi yardım briqadasına təhvil veriliblər.

Hadisə ilə əlaqədar müvafiq qurumlar tərəfindən təhqiqat aparılır.




Bölməyə aid digər xəbərlər
{sape_links}{sape_article}