"Apple" şirkəti fırıldaqçılıqda ittiham olunur
Tarix: 22-03-2024 09:54 | Bölmə: Cəmiyyət / Xəbərlər
"Apple" şirkəti fırıldaqçılıqda ittiham olunur

ABŞ Ədliyyə Nazirliyi "Apple"-ni smartfon bazarını inhisara almaqda, normal rəqabəti boğmaqda ittiham edərək adıçəkilən şirkətə qarşı iddia qaldırıb.

Reyting.az
-ın məlumatına görə, rəsmən təqdim olunan şikayətdə bildirilir ki, adı hallandırılan bu şirkət “iPhone" üzərindəki nəzarətindən sui-istifadə edib yararlanmaqla öz məqsədləri naminə rəqiblərini zəiflətməyə çalışıb, həm də istehlakçı seçimlərini qanunsuz yollarla məhdudlaşdırmaqla "iPhone" xidmətindən istifadə edib.

ABŞ Ədliyyə Nazirliyi "Apple"-ni yeni tətbiqlərin böyüməsinə mane olmaqda və rəqabət aparan məhsulların cəlbediciliyini azaldıb gözdən salmaqda ittiham edir.

Nazirliyin məlumatına görə, şirkət tərəfindən atılmış bir neçə xoşagəlməz addımın sadalanması artıq şübhə yeri qoymur.

Ədliyyə Nazirliyi xüsusi olaraq bəzi maraqlı və tutarlı məqamlarla diqqət çəkir. İddiada deyilir:

“İstehlakçıların rəqabətə qoşduqları smartfon platformaları arasındakı keçidini asanlaşdıracaq proqramların çox güman ki, bilərəkdən bloklanması əməliyyatları, eləcə də üçüncü tərəfin rəqəmsal pul kisələrinin məhdudlaşdırılması və yaxud digər böyük şirkətlər tərəfindən istehsal olunmuş ağıllı saatların keyfiyyətin aşağı olması, satışdakı belə məhsulları gözdən salmaqdan ötrü bu ağıllı saatlar haqqında guya onların çoxdan “funksionallığının azaldılmasından” ətraflı bəhs etməsi "Apple"-nin əsl məramını və məqsədini üzə çıxarıb”.

Ədliyyə Nazirliyinin məlumatında bildirilir ki, bundan əlavə, "Apple" şirkət olaraq digər cihazlarda bilərəkdən mesaj proqramının keyfiyyətini aşağı salıb. Bunun əsas səbəbi isə alıcıların daima "iPhone"-dən istifadəni davam etdirməyə məcbur etmək məqsədi olub.

ABŞ-nin baş prokuroru Merrik Qarland da "Apple"-nin əməllərindən danışıb. O deyib:

“Apple” kimi inhisarçılar iqtisadiyyatımızın əsas mənbəyi hesab olunan azad, ədalətli bazarları təhdid edir. Onlar bununla yeniliyi boğurlar. Onların əməlləri istehsalçılara və işçilərə də zərər verir, istehlakçılar üçün isə xərcləri artırır. Əgər "Apple" şirkətinə qarşı durmasanız, bu şirkət yalnız öz inhisarını gücləndirməyə davam edəcək. Şirkət həm istifadəçilər, həm də tərtibatçılar üçün "Apple" ekosistemindən kənarda genişlənib belə davam etsə, son dərəcədə çətin, həm də baha başa gələn maneələr yaradacaq”.

Öz növbəsində "Apple" şirkəti ABŞ Ədliyyə Nazirliyinin ittihamlarını rədd edib və irəli sürülən bu iddianın şirkətin əsas biznesini təhdid etdiyini bildirib. Bununla bağlı geniş açıqlama verən "Apple" şirkətinin sözçüsü deyib:

“Bu iddia bizim kim olduğumuzu və şiddətli rəqabət bazarlarında "Apple"-nin məhsullarını fərqləndirən prinsipləri təhdid edir".

Oqtay QORÇU




Bölməyə aid digər xəbərlər
21-06-2024, 12:37 Sabah yağış yağacaq
20-06-2024, 08:52 Bir gün 25 saat ola bilər
21-06-2024, 07:44 KTMT Almatıda toplanır

{sape_links}{sape_article}