Salyan rayonunun Yuxarı Noxudlu kəndində məktəbdə şagirdlər tüstüdən zəhərləniblər.

Reyting.az xəbər verir ki, ilkin məlumata görə, 11 şagird, 2 əməkdaş məktəbi qızdırmaq üçün istifadə olunan yanacağın tüstüsündən zəhərləniblər. Onların xəstəxanaya yerləşdirildiyi bildirilir.

Faktla bağlı araşdırma aparılır.

***

Salyan Rayon Mərkəzi Xəstəxanasının Təcili tibbi yardım şöbəsinə 05.12.2025-ci il tarixində saat 13:40 radələrində 17 nəfər (13 nəfər qadın cinsi, 4 nəfər kişi cinsi olmaqla) tüstüdən zəhərlənmə şübhəsi ilə hospitalizasiya olunub.

Reyting.az xəbər verir ki, bunu TƏBİB-dən bildiriblər.

Pasiyentlərin hər birinə zəruri tibbi xidmətlər göstərilib. Onlardan vəziyyəti stabil qiymətləndirilən 9 nəfər ambulator müalicə üçün evə buraxılıb.

Hazırda 8 nəfərin müalicəsi davam etdirilir, vəziyyətləri stabildir.