Dekabrın 5-də Almaniyanın müxtəlif şəhərlərində yüzlərlə məktəbli hərbi çağırış islahatına etiraz etmək üçün küçələrə çıxıb. Ölkənin paytaxt şəhəri Berlinlə bərabər 90 şəhərdə keçirilən kütləvi aksiyalar həm də dərs vaxtına təsadüf edib.

Reyting.az xəbər verir ki, müəllimlərin çoxu narahatlıq doğuran bu məsələ ilə bağlı öz şagirdlərini dəstəkləməkdən imtina ediblər.

Qeyd olunur ki, nümayişlərə qatılan və azyaşlı uşaqları olan çoxsaylı valideynlər yeniyetmə etirazçılarla birlikdə yürüş ediblər.

Etirazlara əsas səbəb bundestaqın yeni təsdiqlədiyi sənəddir. Bu qanuna görə, Almaniyanın hər bir vətəndaşı 18 yaşı tamam olandan sonra məcburi tibbi müayinədən keçməli, hərbi xidmətdə könüllü qalsa belə, yenidən lazım olduqda, xidmətdə əsgər çatışmazlığı səbəbindən növbəti dəfə püşkatma yolu ilə həyata keçirilən çağırışla Alman ordusunda xidmətə cəlb oluna bilər.

Almaniyanın Berlin şəhəri də daxil olmaqla, 90 şəhərdə keçirilmiş bu aksiyalarda 3000-dən çox, hətta bəzi mənbələrə görə, 5000 nəfərdən çox məktəbli, həmçinin azyaşlı övladı olan valideynlər, xüsusilə, analar iştirak ediblər.

Oqtay QORÇU