12:54 / 24-05-2024
MEDİA müsabiqə elan edib
19-cu əsrin solğun dagerreotiplərini bərpa ediblər
Tarix: 19-04-2024 20:45 | Bölmə: Mədəniyyət
19-cu əsrin solğun dagerreotiplərini bərpa ediblər

Kanadanın Qərbi Ontario Universitetində qədim əsərlərin, eləcə də bəzi nüsxələrin orijinalllığına xələl gətirmədən yeni elmi üsulla bərpa prosesi baş tutub.

Reyting.az
-ın məlumatına görə, "Naked Science" saytı yazır ki, kimyaçı professor Tson Konq Şam və həmkarlarının təqdim etdikləri bu yenilik əsasında universitetin kimyaçı alimləri bu sahədə ilkə imza atıblar.

Tson Konq Şam öz həmkarları ilə apardığı elmi tədqiqatları yekunlaşdırıb, daha sonra isə lazım olan nəticəni alıblar. Alimlər nəhayət ki, gümüş yodidin fotohəssaslığına əsaslanan önəmli olan fotoqrafik proseslərin ən erkən formaları hesab edilən dagerreotiplərin keyfiyyətli bərpası üçün üsullar hazırlamağı bacarıblar.

Sözügedən bu yeni texnologiyanın vasitəsi ilə əldə edilmiş dagerreotiplər müasir fotoşəkilləri deyil, güzgüdəki əksi xatırladır.

1839-cu ildə icad edilmiş və cəmi 25 ildir məşhur olan dagerreotiplər işığı həssas etmək üçün xüsusi kimyəvi maddələrlə işlənmiş gümüş üzlü mis lövhələrdir. Plitə kameraya yerləşdirildikdən sonra, təsviri metal üzərində "çap etmək" üçün qapaq çıxarılıb, sonra isə şəkilləri çəkmək üçün lövhələr civə buxarı ilə "müalicə" olunub.

Professor Şamın və onun həmkarlarının yeni araşdırması nəticəsində məlum olub ki, güclü, lakin zərərsiz rentgen şüaları yaratmaqdan ötrü sinxrotron adlanan sürətləndiricidən istifadə etməklə korroziyaya uğrayaraq zədələnmiş şəkilləri görmək mümkün ola bilər.

Alimlər onu da qeyd ediblər ki, belə yenilik böyük uğurdur, çünki əldə edilən hər bir dagerreotip unikaldır, onun foto-neqativi yoxdur.

Oqtay QORÇU




Bölməyə aid digər xəbərlər
{sape_links}{sape_article}