Rasim Balayev: “Şəfiqə Məmmədova yaltaq adamdır" - Foto
Tarix: 06-03-2019 15:28 | Bölmə: Mədəniyyət
Rasim Balayev: “Şəfiqə Məmmədova yaltaq adamdır"

Kinoaktrisa Şəfiqə Məmmədovanın "Rasim Balayevin də kabineti olub, indi kabineti yoxdur deyə belə danışır",- fikrinə qarşı tərəfdən cavab verilib.

Reyting.az
-ın xəbərinə görə, R. Balayev Ölkə.Az-a açıqlamasında Ş. Məmmədova barədə sərt ifadələr işlədib:

"Şəfiqə Məmmədova .... (qeyri-etik ifadələr işlədir). Mənim kabinetim olmayıb. O kabineti Hökumət Evində kirayə götürmüşdük. Bunun da kabineti var. İstəyir ki, ona təzə bina tikdirsinlər. Kino yoxdur, amma bu, özünə kabinet axtarır. Şəfiqənin dediyi kabineti ittifaq icarəyə götürmüşdü. Biz yazıqların icarə haqqını ödəməyə pulumuz yox idi. Amma bunun yeri də var, pulunu da verirlər. İstəyir ki, bir az mərkəzdə bina tikdirsin".

Rasim Balayev: “Şəfiqə Məmmədova yaltaq adamdır"

"Sizin Şəfiqə xanımla münasibətləriniz gənclik illərindən gərgin olub, yoxsa sonradan arada sərinlik yaranıb",- sualına R. Balayevin belə cavab verib:

"Şəfiqə kimdir ki, mən onunla yola getməyim? Onun səksənə yaxın yaşı var, otuz il bu sənətdə olub, əlli ildir sənətdə yoxdur. Amma mən bu gün də sənətdəyəm. Həm də o qadın, mən kişi... Onun rolunu mənə verməyəcəklər, mənim də rolumu ona. O, "mraz"dır, içində qurdlar var. Vaxt var idi Rüstəmin qolundan sallanıb "Rustamulya, Rustamulya",- deyirdi. Satqın və yaltaq bir adamdır".

Qeyd edək ki, Ş. Məmmədova ötən gün R. Balayevin tənqidlərinə cavab vermişdi:

"Rasim də nə vaxtsa kabinetdə oturub. Amma təəssüf ki, indi kabineti yoxdur. Ona elə gəlir ki, mən özüm üçün kabinet istəmişəm. Mən özüm üçün heç nə istəməmişəm. İstədiyim kabinet yox, kinematoqrafçılar üçün bina olub".




Bölməyə aid digər xəbərlər
{sape_links}{sape_article}