17:25 / 04-04-2025
“Bazarstore” qanunu pozub
Yermak: ABŞ Rusiyanın sülhə can atmadığını başa düşüb
Tarix: 04-04-2025 19:03 | Bölmə: Siyasət
Yermak: ABŞ Rusiyanın sülhə can atmadığını başa düşüb

“Ukrayna tam atəşkəs istəyini nümayiş etdirsə də, Rusiya bu istəyi bölüşmür və amerikalılar da bunu gördülər”.

Reyting.az
xəbər verirn ki, bu fikirləri Ukrayna Prezident Aparatının rəhbəri Andrey Yermak səsləndirib.

Yermakın fikrincə, Ciddə və Ər-Riyad görüşünün əsas nəticələri ondan ibarətdir ki, Amerika tərəfinin Ukraynaya sualı yoxdur. “Ukrayna öz mövqeyinin mütləq şəffaflığını, mütləq adekvatlığını nümayiş etdirir”,- o deyib.

Aparat rəhbəri əlavə edib ki, Rusiya tərəfi bu gün atəşkəsi dəstəkləmir: “Və biz inanırıq ki, amerikalıların və digər tərəfdaşların Rusiyaya qarşı güclü mövqeyi və təzyiqi olmalıdır”.

Ukrayna rəsmisi dənizdə və enerji sektorunda atəşkəs razılaşmalarına əməl olunmasına nə dərəcədə uğurla nəzarət etdikləri barədə suala cavabında deyib: “Təəssüf ki, bu gün belə dəqiq monitorinq və nəzarət mexanizmi yoxdur. Biz hesab edirik ki, bunu həyata keçirmək üçün bütün imkanlara malik olan Amerika tərəfidir. Bu, nəinki izlənilməli və nəzarət edilməlidir, həm də bu pozulduğu təqdirdə nə baş verəcəyini müəyyənləşdirmək lazımdır. Bu gün hərbçilərimiz Rusiya tərəfinin qanun pozuntuları ilə bağlı faktlarını hər gün öz tərəfinə ötürür. Biz də bunu Amerika tərəfinə verir və onun Rusiyaya təzyiq etməsini gözləyirik”.

O, əlavə edib ki, hazırda susqunluq rejiminə riayət olunmasına nəzarət mexanizminin hazırlanması üzərində iş aparılır.

E. KAMAL




Bölməyə aid digər xəbərlər