Floridada Ukrayna nümayəndə heyəti ilə danışıqlardan sonra Donald Trampın xüsusi nümayəndəsi Stiv Vitkoff Rusiya lideri Vladimir Putinlə görüşmək üçün Moskvaya səfər edəcək.

Reyting.az-ın məlumatına görə, Kremlin mətbuat katibi Dmitri Peskov deyib ki, Putinin Vitkoffla görüşü dekabrın 2-də günortadan sonra olacaq.

Peskovun sözlərinə görə, Putin və Vitkoff arasında görüşün başlanğıcının video görüntüləri dərc olunacaq, lakin ondan sonranı müzakirə etmək hələ tezdir.

Qeyd edək ki, Ukrayna və Amerika nümayəndə heyətləri müharibənin sona çatması ilə bağlı Floridada dörd saatdan çox müzakirə aparıblar.

İddialara görə, tərəflər sülh müqaviləsi layihəsi üzərində razılığa gələ bilməyiblər. Əsas mübahisələr ərazi məsələləri üzərində cəmləşib.

CNN həmçinin öz mənbələrinə istinadən bildirib ki, danışıqlar zamanı ABŞ və Ukrayna Kiyevin NATO-ya qoşulmaq planlarından imtina edəcəyi ssenarini müzakirə ediblər.

Y. QACAR