İsa Qəmbər Paşinyanı siyasətdə təsadüfi fiqur sayır
Tarix: 18-05-2020 17:44 | Bölmə: Siyasət
İsa Qəmbər Paşinyanı siyasətdə təsadüfi fiqur sayır

“Babasının faşist ordusunda xidmət etməsini gizlədən, Q. Njde və nasistlərlə əməkdaşlıq etmiş digər soydaşlarını qəhrəman kimi təqdim etməsi ifşa olunan Ermənistan baş naziri Paşinyan çıxış yolunu Azərbaycan Cümhuriyyətinin və Müsavat Partiyasının qurucusu Rəsulzadəyə böhtan atmaqda, onu faşist rejimi ilə əməkdaşlıqda ittiham etməkdə görüb”.

Reyting.az
xəbər verir ki, bunu Müsavat Partiyasının sabiq başqanı İsa Qəmbər Nikol Paşinyanın Məhəmməd Əmin Rəsulzadə haqqında əsassız ittihamlarına cavabında bildirib.

İ. Qəmbər qeyd edib ki, N. Paşinyanın bu yalanına həm ziyalılarımız, tarixçi alimlərimiz, həm də Müsavat Partiyası rəhbərliyi başda olmaqla siyasətçilərimiz tutarlı cavablar verib, onun özünümüdafiə üçün təkrarladığı bu cəfəngiyyatı elmi sübutlarla darmadağın ediblər.

İ. Qəmbər daha sonra məsələnin başqa bir cəhətinə diqqət cəlb edib:

“2018-ci ilin birinci yarısında hakimiyyətə gələn Paşinyan mürəkkəb daxili və beynəlxalq amillərin nəticəsində unikal bir şans əldə etmişdi. O, korrupsiya və inhisarları, repressiya və saxtakarlığı aradan qaldıraraq, Qarabağ məsələsində gerçəkçi bir mövqe tutaraq, saxta soyqırım manipulyasiyasına son qoyaraq Ermənistanı böhran vəziyyətindən çıxara, Azərbaycan və Türkiyə ilə normal qonşuluq münasibətlərinə start verə və ölkəsinin Avropaya həqiqi inteqrasiyasına nail ola bilərdi.

Lakin yarımçıq, diletant və populist fəaliyyətilə bütün bu imkanları demək olar ki, itirən Paşinyan üstəlik, son dövrdə davranışları ilə "İnsanlara hürriyyət, millətlərə istiqlal" şüarının və "Ümumi Qafqaz Evi" ideyasının əsas müəllifi M. Ə. Rəsulzadəyə qərəzli hücumları ilə siyasətdə və dövlət idarəetməsində təsadüfi bir fiqur olduğunu ortaya qoyub”.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}