Baş nazirin arvadının hərəkətləri etirazlara səbəb olub - Bəyanat
Tarix: 21-09-2020 15:44 | Bölmə: Siyasət
Baş nazirin arvadının hərəkətləri etirazlara səbəb olub

İşğalçı Ermənistanın Baş nazirinin arvadı Anna Akopyanın Dağlıq Qarabağ bölgəsinə gələrək növbəti dəfə qanunsuz hərbi təlimlərdə iştirak etməsi və səngərdən avtomatla Azərbaycanın mövqelərini nişan aldığını göstərən fotolarını yayması ölkəmizdə etirazlara səbəb olub.

Reyting.az
xəbər verir ki, Qarabağ Azadlıq Təşkilatında (QAT) təmsil olunan xanımlar bununla bağlı bəyanat qəbul ediblər.

Bəyanatda deyilir ki, Ermənistanın 30 ildir Azərbaycanın ayrılmaz ərazisi Dağlıq Qarabağı işğal altında saxladığı, rəsmi İrəvanın dünya birliyinin "azad et!" tələbinə məhəl qoymadığı, Azərbaycanla cəbhə xəttində dəfələrlə təxribatlar törətdiyi, Tovuz istiqamətində Azərbaycanın ərazi bütövlüyünə növbəti cəhdi hər kəsə bəllidir:

“Anna Akopyan Tovuz təxribatını, Paşinyanın başçılıq etdiyi hökumətin terrorçu hərəkətlərini unutdurmaq üçün "sülhpərvər dona" bürünərək Azərbaycan analarına müraciət etdi. 2018-ci ildə özünü regionda sülhün müdafiəçisi kimi təqdim edən və "Sülh uğrunda qadınlar” kampaniyasına azərbaycanlı qadınları da dəvət edən Anna Akopyanın qadınlarla Azərbaycan torpağı olan Dağlıq Qarabağda qanunsuz təlim keçməsi işğalçı Ermənistan dövlətinin iküzlü siyasətindən xəbər verir. Əgər Ermənistanda qadınlar da müharibəyə hazırlaşırlarsa, bu ölkənin sülh istəməsinə necə inanmaq olar?

Əlbəttə ki, erməni tərəfinin sülh istəməsi onların məkrli siyasətinə xidmət edir. Çünki bu müddət ərzində onlar işğalçılıq siyasətini daha da genişləndirir, xaricdə yaşayan erməni ailələrini Qarabağa yerləşdirərək özününküləşdirmə siyasətini sürələndirir, bir sözlə, sülh və atəşkəs rejimindən çox məharətlə yararlanırlar. Sadəcə, dünya birliyinin bunlara bilərəkdən susması, Ermənistanın bütün sülh şərtlərini pozmalarına göz yumması, Azərbaycana ikili yanaşmaları açıq-aşkar özünü göstərir. Bu baxımdan dünya birliyini bu yanaşmaya son qoymağa çağırır və BMT-nin Təhlükəsizlik Şurasının və ATƏT-in qərarlarını yerinə yetirərək Ermənistanın işğalçı qüvvələrinin işğal olunmuş Azərbaycan ərazilərini dərhal tərk etmələrini tələb edirik”.




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}