Qərarları ən çox ləğv olunan hakimlərin adı açıqlanıb - Siyahı
Tarix: 19-02-2021 11:41 | Bölmə: Siyasət
Qərarları ən çox ləğv olunan hakimlərin adı açıqlanıb

Ən çox qərarları ləğv olunan hakimlərin adı məlum olub.

Reyting.az
xəbər verir ki, bu barədə Ali Məhkəmənin Mülki Kollegiyasının sədri Sənan Hacıyev Ali Məhkəmənin ilin yekunlarına dair keçirilən Plenum iclasındakı hesabatında məlumat verib.

O bildirib ki, Ali Məhkəmədə bəzi birinci instansiya məhkəməsi hakimlərinin verdiyi qərarlar ləğv edilib: "Ali Məhkəmədə mülki işlər üzrə Bakı Apelyasiya Məhkəməsinin qərarlarının 22 faizi, Gəncə Apelyasiya Məhkəməsinin və Sumqayıt Apelyasiya Məhkəməsinin qərarlarının 21 faizi, Şirvan Apelyasiya Məhkəməsinin qərarlarının 19,7 faizi, Şəki Apelyasiya Məhkəməsinin qərarlarının 22,5 faizi ləğv edilib”.

S. Hacıyev həmçinin ən çox qərarları ləğv edilən hakimlərin adını açıqlayıb: “Bakı Apelyasiya Məhkəməsinin hakimi Tofiq Səmədovun çıxardığı qərarların 33 faizi, Gəncə Apelyasiya Məhkəməsinin hakimi Fikrət Mehdiyevin qərarlarının 27 faizi, Sumqayıt Apelyasiya Məhkəməsinin hakimi Şəmsəddin Abbasovun qərarlarının 28 faizi, Şirvan Apelyasiya Məhkəməsinin hakimi Nüsrət Mirzəyevin qərarlarının 21 faizi, Şəki Apelyasiya Məhkəməsinin hakimi Mahir Əsədlinin qərarlarının 28 faizi Ali Məhkəmə tərəfindən ləğv edilib” – deyə kollegiya sədri bildirib.

S. Hacıyev hakimləri qərar çıxararkən daha diqqətli olmağa çağırıb.(APA)




Bölməyə aid digər xəbərlər
{sape_links}{sape_article}