17:38 / 28-03-2024
Əməkdar artist vəfat edib
Yerevanda qan tökülə bilər: müxalifət və hakimiyyət tərəfdarları Azadlıq meydanına doğru hərəkət edir
Tarix: 25-02-2021 14:12 | Bölmə: Siyasət
Yerevanda qan tökülə bilər: müxalifət və hakimiyyət tərəfdarları Azadlıq meydanına doğru hərəkət edir

“Silahlı qüvvələrimizə dəstək ifadə etmək üçün hamını saat 15:00-da Yerevanın Azadlıq meydanında toplanmağa çağırırıq”.

Reyting.az
xəbər verir ki, bu, erməni müxalifətinin birləşdiyi “Vətənin Xilası” Hərəkatının yaydığı təcili açıqlamada bildirilir.

Açıqlamada qeyd olunur ki, “Vətəni Xilası” Hərəkatı Ermənistan Silahlı Qüvvələrinin ən yüksək komandanlıq heyətinin bəyanatını, orada qeyd olunan bütün açıqlamaları alqışlayır və ölkənin yeganə və maraqsız qarantına - Silahlı Qüvvələrə dəstəyini bildirir.

Açıqlamada bildirilir ki, bundan sonra Baş nazir postunu tutan şəxsin hərəkətlərini qiymətləndirmək artıqdır:

“Paşinyan indi xalqımızı qarşıdurmalara və qan tökməyə təhrik etməyə çalışır. Ermənistanın bütün vətəndaşlarını bu rejimin təxribatlarına uymamağa, təmkinli, soyuqqanlı olmağa, Silahlı Qüvvələrin və Ermənistan ordusunun ən yüksək komandan heyəti ətrafında birləşməyə çağırırıq.

Xalqımızı, Vətənin taleyindən narahat olan bütün vətəndaşları, silahlı qüvvələrimizə, erməni ordusuna dəstək ifadə etmək və hökumət və Paşinyanın vəzifəsindən uzaqlaşdırılması üçün saat 15:00-da Azadlıq meydanında toplanmağa çağırırıq”.

Xatırladaq ki, hazırda Paşinyan da tərəfdarları ilə birlikdə Azadlıq meydanına doğru hərəkət edir.

Tərəflərin meydana doğru hərəkəti göstərir ki, bu gün Yerevanda qarşıdurma ola, qan tökülə bilər.

Qeyd edək ki, bu arada Ermənistanın Baş naziri Nikol Paşinyan hökumət binasının qarşısında - Respublika meydanında toplanan tərəfdarlarının qarşısına çıxıb.

O, ökədə çevrilişə cəhdin qarşısının alındığını bildirib:

"Erməni ordusu mənə tabedir. Vəziyyət gərgindir, toqquşmalardan qaçmaq üçün razılığa gəlməliyik. Fikrimcə, hərbçilərin bəyanatı emosional reaksiya idi, vəziyyətə nəzarət edirik".




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}