17:38 / 28-03-2024
Əməkdar artist vəfat edib
İqbal Ağazadə “Tərtər hadisələri” ilə bağlı Kamran Əliyevə müraciət edib
Tarix: 13-04-2021 18:18 | Bölmə: Siyasət
İqbal Ağazadə “Tərtər hadisələri” ilə bağlı Kamran Əliyevə müraciət edib

Ümid Partiyasının sədri İqbal Ağazadə Azərbaycanın Baş prokuroru Kamran Əliyevə müraciət edib.

Ümid Partiyasının mətbuat xidmətindən Reyting.az-a göndərilən müraciətdə deyilir:

“Hörmətli Cənab Baş Prokuror!

Son dövrlər mətbuatda “Tərtər hadisələri” geniş müzakirə olunur. Zərərçəkmişlərin, şahidlərin özləri və yaxud varisləri baş verən hadisələrin araşdırılması zamanı çox ciddi cinayət faktlarının olduğunu səsləndirir və cinayət məsuliyyəti yaradan hallar barədə efirlərdən açıqlamalar verirlər.

İlk növbədə xahiş edirəm, bu faktların yenidən araşdırılması, yeni İstintaq Komissiyasının yaradılaraq, səslənən faktların tədqiq edilməsinə dair göstəriş verəsiniz. Sadalanan faktlar içərisində işgəncə, ölüm hadisələri var ki, xüsusilə, ağır cinayət kateqoriyasına aiddir. Cəmiyyətimiz, zərərçəkənlər, şahidlər bu prosesin yenidən, obyektiv araşdırılması üçün israrla İstintaq Komissiyasının yaradılmasını istəyir.

Hörmətli Kamran müəllim!

Azerfreedom, LAFTV və digər internet kanallarında da bununla bağlı müzakirələr gedir, vətəndaşlar zəng edərək, öz problemlərini efirdən səsləndirirlər.

Xavər adlı bir xanım (Binnətova) efirdə səsləndirib ki, onu iki dəfə işdən çıxarkən qara rəngli “Niva 21-21” markalı maşın izləmiş, bir dəfə yolundan saxlayaraq, “İqbal Ağazadə və Hikmət Həsənovdan danışma”,- deyərək, hədə-qorxu gəlib, təhdid və şantaj edib.

Hörmətli Kamran müəllim!

Xavər adlı xanımı təhdid, şantaj edən, hədə-qorxu gələn naməlum şəxsin tapılıb Cinayət Məcəlləsinin müvafiq maddəsilə məsuliyyətə cəlb edilməsini Sizdən xahiş edirəm.

Bildirirəm ki, mənim adımdan istifadə edərək, bu hərəkəti edənlər və ya sifariş verənlər cinayət hadisəsi törədib.

Xahiş edirəm, qanuna müvafiq tədbir görəsiniz. Xavər adlı xanımın həyatı təhlükədə ola bilər!

Hörmətlə,
Ümid Partiyasının sədri İqbal Ağazadə”




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}