17:38 / 28-03-2024
Əməkdar artist vəfat edib
Ölkəni parçalayıb, türklərin yaşadığı bölgəni ələ keçirmək istəyirlər
Tarix: 19-04-2021 13:06 | Bölmə: Siyasət
Ölkəni parçalayıb, türklərin yaşadığı bölgəni ələ keçirmək istəyirlər

Şimali İraq Muxtar bölgəsini Bərzani ailəsi ilə birlikdə yaradan Təlabani ailəsi Bağdada müraciət edib. Buna səbəb muxtar qurum olmaq istəyidir.

Reyting.az
xəbər verir ki, Süleymaniyyə şəhərində oturan təlabanilər Şimali İraq Muxtariyyətinə aid olan Səlahəddin və Hələpçə bölgələrinə muxtariyyət verilməsi üçün İraq Nazirlər Kabinetinə müraciət ünvanlayıblar.

Təlabani idarəçilərinin müraciətində İraq mərkəzi hökumətindən paytaxtı Süleymaniyyə olan bölgənin muxtariyyətinin tanınması istənilib.

Talabani eyni zamanda Bağdaddan Şimali İraq Muxtariyyətinə verilən dövlət büdcəsinin Ərbil və Süleymaniyyə arasında bölünməsini istəyib.

Şimali İraq Muxtariyyətində Təlabani ailəsinin nəzarətində olan ərazidə federal muxtariyyət istəyi paytaxt Ərbildə oturan Goran Hərakatı başda omaqla Süleymaniyyə və Hələpcə bölgəsində təsiri olan digər kürd partiyaları tərəfindən dəstəklənir.

Təlabani ailəsinin muxtariyyət tələbinə hələlik İraqın rəsmi məqamları reaksiya verməyiblər.



İraqın keçmiş deputatı Feyha Bayatılı Təlabani ailəsinin idarə etdiyi bölgənin Bərzani ailəsinin təsirli olduğu Ərbil paytaxtlı Şimali İraq Muxtar bölgəsinin ayrılmaq qərarının Tehran tərəfindən dəstəklədiyini bəyan edib:

“Bərzani ailəsi İsrail və ABŞ ilə sıx əlaqədədir və İrana qarşı ittifaqın bir parçasıdır. Tehran bu vəziyyətdən uzun müddətdir ki, narahatdır və onsuz da yerləşməkdə olduğu Səlahəddin və Hələpçənin Ərbildən ayrılması projesi İranın cavabı olaraq görünə bilər. Təlabani idarəçiliyi prosesi faktiki olaraq başladılıb. Bağdad hökuməti nə qərar verəcəyini bilmir, ancaq İranın mövcud tənlikdəki yerinə və təsirinə baxdıqda planın tətbiqi məsələsində hər hansı bir maneə görünmür”.

Süleymaniyyənin paytaxtı olacağı yeni bir muxtar strukturun həyata keçirilməsi halında İranın İraq içərisində qonşu olacağına diqqət çəkən Bayatılı qeyd edib ki, bu vəziyyətdə Təlabani peşmərgəsi ilə birlikdə İran tərəfindən dəstəklənən şiə silahlı qrupları da Türkiyə sərhəddində yerləşəcək: “PKK onsuz da bölgədədir. Və belə bir durumun yaranması PKK-nın daha sərbəst hərəkətinə imkan yaradacaq”

İraqlı mütəxəssisin fikrincə, Şimali İraq Muxtar qurumunun paytaxtı Ərbildə oturan və muxtariyyəti idarə edən Bərzani hökuməti ilə Süleymaniyyə mərkəzli Təlabani idarəçiliyi arasında iqtisadi şərtlər baxımından böyük fərqliliklər var: “Bərzani regional ticarət, sərhəd qapıları və neft gəlirləri baxımından olduqca avantajlı vəziyyətdədir. Süleymaniyyə və ətrafına gəldikdə, onların gəlir mənbəyi çox azdır. Təlabani ailəsi onsuz da uzun zamandır ki, öz bölgələri ilə bağlı siyasi, hərbi və iqtisadi baxımdan Ərbillə hesablaşmamağı istəyirdi. Bunun ən gözəl nümunəsi mərkəzi İraq hökumətindən muxtariyyətə ayrılan vəsaitlə bağlı Bərzani və Təlabani ailəsi daxilində hər il yaşanan fikir ayrılığıdır. İndi proses kritik mərhələyə çatıb. Əgər Şimali İraq Muxtariyyəti bölünərsə Təlabani və Bərzani arasında qarşıdurma qaçılmaz olacaq. İqtisadi şərtlər və xarici ünsürləri nəzərə almaqla belə bir müharibəni dəstəkləyəcək çoxlu sayda maraqlı dairələr var. Üstəlik, İraq hökuməti ortaya çıxacaq yeni muxtar strukturdan ciddi şəkildə təsirlənəcək. Amma reallıq budur ki, belə bir proses ən çox Kərkükə təsir edəcək. Həm Bərzani, həm də Təlabaninin ortaq hədəfi Kərkükü ələ keçirməkdir”.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}